(Duration 39:40)

Gintutdoan ni Jesus hi Nicodemo, an usa nga Samaritana, ngan an mga taga-Nazaret pero iba-iba an ira reaksyon. Makikita hini nga episode an masunod nga mga rekord:

• Iginsaysay ni Jesus kan Nicodemo an pagin igin-anak tikang ha tubig ngan ha espiritu (Juan 3:1-13)

• An Anak han tawo aalsahon pariho han halas didto ha kamingawan (Juan 3:14, 15)

• Ginsugo han Dios an iya bugtong nga Anak, diri basi hukman an kalibotan, kondi basi talwason ito (Juan 3:16-21)

• An ultimo nga pagpamatuod ni Juan parte kan Jesus (Juan 3:22-30)

• An pagpakita hin pagtoo ha Anak, nga kinanhi tikang ha igbaw, nangangahulogan hin kinabuhi nga waray kataposan (Juan 3:31-36)

• Ginpriso hi Juan (Marcos 6:17-20; Mateo 4:12; 14:3-5; Lucas 3:19, 20)

• Hi Jesus, nga kapoy, inabot ha bubon ni Jacob ha Sicar, Samaria (Juan 4:1-6)

• Nakiistorya hi Jesus ha usa nga Samaritana nga babaye (Juan 4:7-15)

• Gintutdoan ni Jesus an Samaritana nga babaye parte ha tinuod nga pagsingba (Juan 4:16-24)

• Ginsumatan ni Jesus an Samaritana nga babaye nga hiya an Mesias (Juan 4:25, 26)

• An Samaritana nga babaye nagsangyaw ha iba (Juan 4:27-30)

• Iginkompara ni Jesus ha pagkaon an pagbuhat han kaburut-on han Dios; nag-istorya hiya parte ha espirituwal nga pangani (Juan 4:31-38)

• Damu nga Samaritano an tinoo nga hi Jesus “an paratalwas han kalibotan” (Juan 4:39-42)

• Nagtikang hi Jesus pagsangyaw ha Galilea (Juan 4:43-45; Marcos 1:14, 15; Mateo 4:17; Lucas 4:14, 15)

• Gintambal ni Jesus an anak han usa nga opisyal ha Cana ha Galilea (Juan 4:46-54)

• Waray hi Jesus karawata ha Nazaret (Lucas 4:16-30)

• Kinadto hi Jesus ha Capernaum (Mateo 4:13-16)

• Milagroso nga pakadakop hin mga isda; gintawag an siyahan nga mga disipulo (Lucas 5:1-11; Mateo 4:18-22; Marcos 1:16-20)