Malango 33:1-29
33 Yaa ali mapaalo yano Mose umuntu wakwe Leza wa cumi walanzile pa Ina Izlaeli lino atatala wafwa.+
2 Walanzile ati:
“Yeova wizile ukufuma uku Sinai,+Nupya wakozizye uluswepo pali aliyo ukufuma ku Seili.
Wakozizye uluswepo umu lulumbi lwakwe kufuma uku myamba ya ncende ya Palani,+Nupya wali na amuzilo aingi sana,+Ukwi kasa lyakwe ililunji kwali asilika yakwe+ aamaka sana.
3 Watemilwe antu yakwe;+Amuzilo yao yonsi yaya umu minwe yako.+
Ikazile pa ngazo zyako;+Nupya yatandike ukukutika uku mazwi yako.+
4 (Mose watupeezile isunde,+Ilyaya ica upyanyi ca yantu yakwe Yakobo.)+
5 Nupya wizile aya u mwene mu Yeshuluni*+Lino intunguluzi zyakolongine+Pamwi ni mitundu yonsi iyaya umu Izlaeli.+
6 Lekini Lubeni aye nu umi, atafwa+Nupya antu yakwe yatacepa.”+
7 Nupya wapaazile Yuda+ ati:
“We Yeova siuvwa izwi lyakwe Yuda,+Nupya muswilizye uku yantu yakwe.
Makasa yakwe iyacingilila vino wakwata.Nupya mwazwe ukucimvya alwani yakwe.”+
8 Pali Levi walanzile ati:+
“Tumimu wako* na Ulimu+ wako i vya muntu uwaya ni cisinka kuli wewe,+Wino wezizye pa Masa.+
Watandike ukulwishanya nawe mupiipi na manzi ya ku Meliba,+
9 Umuntu uwalanzile kuli isi na nyina ati, ‘Ntayacindika.’
Nanti sile aina yakwe ataisileko mano,+Nupya atisile mano uku yana yakwe.
Pano uvwilile izwi lyako,Nupya wasunzile upangano wako.+
10 Leka yasambilizye Yakobo upinguzi wako+Na Izlaeli masunde yako.+
Leka yapeele ivinunkile kuli wewe+Ni lambo lya koca pa ulambo+ wako.
11 We Yeova mupaale pakuti akwate maka,Nupya uwazangila umu milimo yakwe.
Vungola maulu yakwe yano yakamukatukila,Pakuti aamupata yataca yamukatukilepo nupya.”
12 Pali Benjamini walanzile ati:+
“Leka uwatemwikwa kuli Yeova acingililwe;Lino akumucingilila uwanda onsi,Alikala pa viye vyakwe.”
13 Pali Jozefu walanzile ati:+
“Si Yeova+ apaale impanga yakweAmupeele ivintu visuma ivya mwi yulu,Amupeele ulumi na manzi ya mu tufukoka,+
14 Amupeele ivintu visuma ivikakula pa mulandu na kasanyaNu uzombozi usuma cila mwezi,+
15 Amupeele ivintu visuma ukufuma uku myamba ya mpiti+Ni vintu visuma vya pa tumyamba,
16 Amupeele ivisuma vyonsi+ ivyaya umu nsi,Nupya uwikala umu cimpuza+ azumilizye.
Si leka ivintu vii viye pa mutwe wakwe Jozefu,Pa cisote cakwe wino yasoolwile ukufuma pa ina yakwe.+
17 Ucindami wakwe waya wakwe cipambasi iyeli,Ni mpembe zyakwe zyaya wa mpembe zyakwe cipambasi wa mu mpanga.
Alaziomvya uku kupumilako antuKufika na kuno insi yapela.
Aamuli Efulemu+ yaya masauzandi na masauzandi,Nupya aamuli Manase yaya masauzandi.”
18 Pali Zebuluni walanzile ati:+
“We Zebuluni sansamuka lino ukufuma,Nawe Isakali sansamuka umu matenti yako.+
19 Yalama antu kuti yaye uku mwamba.
Kuuku kwene akuno yalapeela malambo ya ulungami.
Yalafumya ivyuma ivingi muli ya yemba.Ni vyuma ivyafiswa umu mucanga.”
20 Pali Gadi walanzile ati:+
“Mupaalwe a wiyo aakakuzya imipaka yakwe Gadi.+
Mumu kwene amuno Gadi akateyamila wakwe cisama,Waipekanya ukuputula ikasa nu mutwe.
21 Alatandikilapo ukusoolola impanga isuma,+Nupya impanga kwene yii aino kapeela wa masunde wamusungila.+
Intunguluzi zya yantu zilakolongana pamwi.
Alafikilizya ulungami wakwe Yeova,Nu upinguzi wakwe pamwi na Izlaeli.”
22 Pali Dani walanzile ati:+
“Dani waya wakwe mwana cisama.+
Alazanza ukufuma uku Bashani.”+
23 Pali Nafutali walanzile ati:+
“Nafutali watemwikwaNupya Yeova wamupaala sana.
Alapeelwa incende ya ku uwondaka nu ku kaeya.”
24 Pali Asheli walanzile ati:+
“Leza wapaala Asheli pa kumupeela ana aingi,
Si leka atemwikwe uku ina yakwe,Nupya leka atimpike ingazo zyakwe umu mafuta.
25 Icela na koopa ali vya kufungilako impongolo zyako,+Nupya ulacingililwa manda yako yonsi.
26 Kutaaya uwaya wakwe Leza wa cumi+ nga Leza wakwe Yeshuluni,+Aakapita umwi yulu pakuti akwazweNupya wino akapita pa makumbi mu lulumbi lwakwe.+
27 Leza waya a kacingilila ukufuma mpiti,+Akakusendela uku makasa yakwe aamanda pe,+
Alazinga alwani kufuma kuli wewe,+Nupya alalanda ati, ‘Yalovye!’+
28 Izlaeli alaya u mucingililwe,Na kafukoka kakwe Yakobo kalapindililwaUmu mpanga ya ngaano na waini umupya,+Mayulu yakwe yalatona ulumi.+
29 We Izlaeli,+ waya ni nsansa!
Kutaya uwaya wakwe wewe,+Antu yano Yeova+ ali kapususha wao,Ali cishangu cako ica kukucingilila+Nu lupanga lwako u lwa lulumbi.
Alwani yako yalazakaza,+Nupya ulayalyatola pa nsizi.”
