Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

JW BROADCASTING

No Kasano nga Iy-install ti JW Broadcasting App iti Roku

No Kasano nga Iy-install ti JW Broadcasting App iti Roku

Sakbay a makabuyaka iti JW Broadcasting iti Roku, masapul nga i-set up-mo nga umuna ti Roku player-mo sa iy-install-mo ti JW Broadcasting software. Surotem dagitoy nga instruksion:

 I-set Up-mo ti Roku Player

Sigurado nga adda kakuykuyog ti Roku player-mo nga instruksion a tumulong tapno mai-set up-mo dayta ken maikonektarmo iti internet. No naikonektarmon ti Roku player-mo, surotem dagiti instruksion iti baba.

Palagip: Masapul a nakakonektar iti internet ti computer wenno mobile device-mo tapno masurotmo dagitoy nga instruksion.

Bayat ti panangi-set up-mo, masapul nga i-link-mo ti Roku player. Tapno maaramidmo dayta, mapanka iti www.roku.com/link sa ikabilmo ti code iti iskrin ti TV-m. Kalpasanna, surotem ti instruksion iti computer wenno mobile device-mo tapno makaaramidka iti Roku account.

Ag-refresh ti TV-m no nai-link-mon ti Roku player-mo iti account-mo.

Para iti kanayonan nga impormasion, buyaem ti video a mangipakita no kasano nga i-set up ti Roku player.

 Iy-install-mo ti JW Broadcasting Babaen ti Computer

Ti Roku player ket maysa a device a makalukat iti video-playing software (wenno “channel”). Masapul nga aginayonka kadagiti channel dagiti video a kayatmo a buyaen. Ti maysa a pamay-an a maaramidmo dayta ket babaen iti computer-mo.

  • Luktam ti JW Broadcasting iti Roku Channel Store iti aniaman nga internet browser.

  • Ag-log in-ka iti Roku account-mo no dika pay naka-log in.

  • I-click-mo ti Add Channel button. No nainayonmon ti channel, masuktan ti Add Channel button a berde ti kolorna iti Installed.

No mangnayonka iti channel babaen iti web browser, saan nga automatiko a mai-install dayta iti Roku player-mo; mainayon laeng dayta iti listaan dagiti iy-install-mo. Masapul nga iy-install-mo ti nainayon a channel iti Roku player-mo.

  • Talmegam ti Home button iti Roku remote.

  • Talmegam ti Up wenno Down arrow tapno makapanka iti Settings.

  • Talmegam ti OK.

  • No addakan iti Settings, talmegam ti Up wenno Down arrow agingga a makadanonka iti System Update, sa talmegam ti OK. Aglukat ti System Update. Adda agparang a Check Now iti kannawan a paset ti iskrin.

  • Talmegam ti OK.

Itsek ti Roku player dagiti innayonmo a channel sa iy-install-na.

  • Agsublika iti Roku home screen sa piliem ti My Channels iti main menu. Makitam iti dayta dagiti channel nga in-install-mo iti Roku player-mo, a pakairamanan ti JW Broadcasting.

  • Piliem ti jw.org logo sa talmegam ti OK tapno maluktam ti JW Broadcasting.

 Iy-install-mo ti JW Broadcasting Babaen ti Roku

Mabalinmo met a direkta nga iy-install ti JW Broadcasting iti Roku player-mo.

  • Mapanka iti Roku home screen.

  • Usarem ti Up wenno Down arrow iti Roku remote a mangbirok iti Search iti main menu.

  • Talmegam ti OK.

Iti Search ti Roku, makabirokka kadagiti pelikula, TV show, artista, direktor, ay-ayam, ken channel a kayatmo a biroken. Ti JW Broadcasting ket maysa a channel, isu a no agbirokka, piliem ti adda Channel symbol-na iti abayna. Tapno mabirokam ti JW Broadcasting, i-type-mo ti maysa kadagitoy:

  • jw broadcasting

  • jw.org

  • jwtv

  • Jehovah

  • No agbirokka ket agparang ti JW Broadcasting, talmegam ti Right arrow agingga a mapilim ti channel, sa talmegam ti OK. Agparang ti Add channel.

  • Talmegam manen ti OK tapno mai-install ti JW Broadcasting.

Tapno mabuyam ti JW Broadcasting, i-select-mo ti Go to channel, wenno agsublika iti Roku home screen sa birokem ti JW Broadcasting iti My Channels.