Mabalinmo ti agbuya iti aniaman a video ken kontrolen ti pannakai-play-na (i-pause, i-fast forward, ken i-skip). Agbuyaka iti maysa a video wenno amin a video iti maysa a kategoria wenno koleksion.

(Palagip: Mabalin a naiduma ti itsura ti remote-mo iti nausar a Siri remote iti daytoy a tutorial.)

•  Agbirok ken Agbuya iti Video

•  Kontrolen ti Pannakai-play ti Video

•  Agbuya iti Kabaruan Wenno Naitampok a Video

 Agbirok ken Agbuya iti Video

Piliem ti Kategoria ti Video iti makinngato a paset ti home screen tapno makitam dagiti available a kategoria ti video.

• Iti Siri Remote-mo, i-swipe-mo ti Touch surface tapno makitam dagiti kategoria. Ti ladawan ti naka-highlight a kategoria ket medio dakdakkel ngem iti dadduma a kategoria.

• Talmegam ti Touch surface tapno maluktam ti kategoria a kayatmo.

Adda dagiti video a makita iti nagduduma a kategoria. Kas pagarigan, ti video a The Prodigal Returns ket mabalin a makita iti Pelikula, Pamilia, ken Tin-edyer.

Piliem ti opsion a Shuffle tapno agtultuloy nga ag-play ti amin a video iti maysa a kategoria ngem saan a kas iti orihinal a panagsasarunoda.

Tunggal kategoria ket naglaon kadagiti adu a koleksion. Tunggal grupo dagiti video ket maibilang kas maysa a koleksion dagiti video. Agparang iti ngato ti nagan ti koleksion.

• I-swipe-mo nga Agpangato wenno Agpababa ti Touch surface tapno makapanka iti sabali a koleksion.

• I-swipe-mo nga Agpakannigid wenno Agpakannawan ti Touch surface tapno makitam dagiti video iti maysa a koleksion.

Adda dua a pamay-an tapno mabuyam ti amin a video iti maysa a koleksion:

• Piliem ti opsion nga I-play Amin tapno mai-play ti amin a video iti koleksion a mangrugi iti umuna.

• Piliem ti opsion a Shuffle tapno agtultuloy nga ag-play ti amin a video iti maysa a kategoria ngem saan a kas iti orihinal a panagsasarunoda.

Palagip: No nai-play aminen a video iti koleksion, agsardengen ti pannakai-play dagiti video.

Talmegam ti Touch surface tapno makapilika iti video ken agparang ti Detalye ti Video screen.

Piliem kadagitoy ti kayatmo nga aramiden:

• I-play: I-play ti video manipud iti rugi.

• I-play Amin: I-play ti amin a video iti koleksion, a mangrugi iti linuktam a video. No nai-play aminen a video iti koleksion, agsardengen ti pannakai-play dagiti video.

• Ituloy nga I-play: Ag-play manen ti video manipud iti nagpatinggaam.

Iti baba ti Detalye ti Video screen, makitam ti dadduma pay a video iti koleksion. I-swipe-mo nga Agpababa ti Touch surface tapno makapanka iti grupo dagiti video. I-swipe-mo nga Agpangato ti Touch surface tapno makasublika iti Detalye ti Video screen.

 Kontrolen ti Pannakai-play ti Video

No agple-play ti maysa a video, mabalinmo nga aramiden iti Siri remote-mo dagiti sumaganad tapno makontrolmo ti pannakai-play-na:

• Play/Pause: I-pause ti video. Talmegam manen ti button tapno ag-play ti video. Mabalinmo met a talmegan iti asideg ti tengnga ti Touch surface tapno ag-play wenno ag-pause ti video.

• Rewind: I-swipe-mo nga Agpakannigid ti Touch surface bayat a naka-pause ti video tapno ag-rewind ti video. Talmegam ti Play/Pause tapno ag-play manen ti video.

• Fast Forward: I-swipe-mo nga Agpakannawan ti Touch surface bayat a naka-pause ti video tapno ag-fast forward ti video. Talmegam ti Play/Pause tapno ag-play manen ti video.

• Skip Forward: Tapno ag-forward ti video iti 10 a segundo, iparabawmo ti ramaymo iti kannawan ti Touch surface.

• No makitam ti Skip icon iti progress bar ti video iti baba ti screen, talmegam ti Touch surface.

• Skip Backward: Tapno ag-rewind ti video iti 10 a segundo, iparabawmo ti ramaymo iti kannigid ti Touch surface.

• No makitam ti Skip icon iti progress bar ti video iti baba ti screen, talmegam ti Touch surface.

• Menu: Agsubli iti Detalye ti Video screen.

 Agbuya iti Kabaruan Wenno Naitampok a Video

Iti home screen ti JW Broadcasting, adda dua nga espesial a koleksion:

1. Naitampok: Naglaon daytoy kadagiti naitampok a video, kas kadagiti video a maipabuya kadagiti linawas a gimong wenno panagdaydayaw iti pamilia.

2. Kabaruan a Video: Kabaruan a nainayon a video.