JW BROADCASTING
Agbuya iti Video iti Amazon Fire TV
Mabalinmo ti agbuya iti aniaman a video ken kontrolen ti pannakai-play-na (i-pause, i-rewind, i-fast forward, ken i-skip). Agbuyaka iti maysa a video wenno buyaem ti amin a video iti maysa a koleksion.
(Palagip: Mabalin a naiduma ti remote-mo iti naipakita iti daytoy a tutorial.)
Agbirok ken Agbuya iti Video
Piliem ti Kategoria ti Video iti makinngato a paset ti home screen tapno makitam dagiti available a kategoria ti video. Usarem ti remote ti Amazon Fire TV nga agpili iti kategoria ti video. Talmegam ti Select button tapno maluktam ti kategoria a nakaibatogan ti cursor.
Adda dagiti video a makita iti nagduduma a kategoria. Kas pagarigan, ti video a The Prodigal Returns ket mabalin a makita iti Pelikula, Pamilia, ken Tin-edyer.
Piliem ti opsion a Shuffle tapno agtultuloy nga ag-play ti amin a video iti maysa a kategoria ngem saan a kas iti orihinal a panagsasarunoda.
Tunggal kategoria ket naglaon kadagiti adu a koleksion. Tunggal grupo dagiti video ket maibilang kas maysa a koleksion dagiti video. Agparang iti ngato ti nagan ti koleksion.
Usarem ti remote-mo nga agpili kadagiti koleksion:
Up ken Down: Mapan iti sabali a koleksion.
Left ken Right: Agpili kadagiti video iti maysa a koleksion.
Adda dua a pamay-an tapno mabuyam ti amin a video iti maysa a koleksion:
Piliem ti opsion nga I-play Amin tapno mai-play ti amin a video iti koleksion a mangrugi iti umuna.
Piliem ti opsion a Shuffle tapno agtultuloy nga ag-play ti amin a video iti maysa a kategoria ngem saan a kas iti orihinal a panagsasarunoda.
Palagip: No nai-play aminen a video iti koleksion, agsardengen ti pannakai-play dagiti video.
Mangpilika iti video tapno agparang iti screen ti Detalye ti Video. Mangpilika iti kayatmo nga aramiden kadagiti pagpilian iti screen:
I-play: I-play ti video manipud iti rugi.
I-play ti Amin: I-play ti amin a video iti koleksion, a mangrugi iti linuktam a video. No nai-play aminen a video iti koleksion, agsardengen ti pannakai-play dagiti video.
Resume: Ag-play manen ti video manipud iti nagpatinggaam.
Iti baba ti Detalye ti Video iti screen, makitam ti dadduma pay a video iti koleksion. Talmegam ti Down tapno makapanka iti grupo dagiti video. Talmegam ti Up tapno makasublika iti Detalye ti Video iti screen.
Kontrolen ti Pannakai-play ti Video
No agple-play ti maysa a video, mabalinmo nga aramiden iti Amazon Fire TV remote-mo dagiti sumaganad tapno makontrolmo ti pannakai-play-na:
Play/Pause: I-pause ti video. Talmegam manen ti button tapno ag-play ti video.
Fast Forward wenno Right: I-fast forward ti video. No makadanonkan iti paset ti video a kayatmo a buyaen, talmegam ti Play button.
Rewind wenno Left: I-rewind ti video. No makadanonkan iti paset ti video a kayatmo a buyaen, talmegam ti Play button.
Back: Agsubli iti Detalye ti Video iti screen.
Agbuya iti Kabaruan Wenno Naitampok a Video
Iti home screen ti JW Broadcasting, adda dua nga espesial a koleksion:
Naitampok: Naglaon daytoy kadagiti naitampok a video, kas kadagiti video a nainaig iti linawas a gimong wenno iti panagdaydayaw ti pamilia.
Kabaruan a Video: Naglaon daytoy kadagiti kabaruan a nainayon a video.
