Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Pagannurotan Mainaig iti Kinapribado ken iti Cookies

Pagannurotan Mainaig iti Kinapribado ken iti Cookies

Resrespetuen ti organisasion dagiti Saksi ni Jehova ti kalintegan ti tunggal indibidual mainaig iti kinapribado. Para iti kanayonan nga impormasion maipapan iti sangalubongan a Pagannurotan iti Pannakaprotektar Dagiti Impormasion ti organisasion, i-click-mo daytoy.

Naikabil iti Pagannurotan iti Pannakaprotektar Dagiti Impormasion no kasano nga usaren ken iproseso ti organisasion dagiti Saksi ni Jehova dagiti personal nga impormasion. Mainayon iti dayta, nailawlawag iti baba dagiti espesipiko a pagannurotan nga agaplikar iti daytoy a website.

Daytoy a website ket kukua ti Watchtower Bible and Tract Society of New York, Inc. (“Watchtower”), maysa a saan a komersial a korporasion idiay New York a mangsupsuporta kadagiti aktibidad dagiti Saksi ni Jehova ken iti trabaho a panangisuro iti Biblia. Ti dadduma kadagiti server ti website ket adda iti United States of America.

Personal nga Impormasion

Dagiti personal nga impormasion nga insubmitirmo iti website ket mausar laeng para iti panggep a nadakamat idi insubmitirmo dayta.

Saanmi nga ited iti sabali dagiti personal nga impormasion nga intedmo malaksid no kasapulan dayta tapno maipaay ti serbisio a kidkiddawem, no nalawag nga imbagami kenka, wenno no patienmi a talaga a kasapulan dayta tapno matungpal ti aniaman nga agaplikar a linteg wenno pagannurotan wenno no kiddawen dayta dagiti adda iti autoridad wenno tapno maammuan ken maliklikan ti panangsaur ken tapno makita ken maliklikan dagiti problema mainaig iti seguridad ken iti panangusar iti website. Ti panangusarmo iti daytoy a website kaipapananna a pinalubosannakami a mangited iti personal nga impormasionmo kadagiti third party para laeng kadagiti nadakamat a panggep. Iti aniaman a kasasaad, saan a mailako, maisukat, wenno mapaabangan dagiti personal nga impormasion nga intedmo.

Third-Party Vendor. No dadduma, adda dagiti link iti daytoy a website a mapan iti website ti maysa a third-party vendor a pinilimi tapno mangaramid iti dadduma a serbisio para kadakami (kas pagarigan, ti panang-fill up kadagiti online forms). No addaka iti website ti maysa a third-party vendor, makitam a naiduma ti itsura ti website ken agbaliw ti address bar ti browser-mo. No agpilikami kadagiti third-party vendor, adalenmi a naimbag ti pagannurotanda mainaig iti kinapribado ken ti pagannurotanda iti pannakaprotektar dagiti impormasion tapno masiguradomi nga agpada ti estandarte dagiti pagannurotanda ken ti estandartemi. Regular met nga ar-aramidenmi dayta kalpasan a nakapilikami kadagiti third-party vendor. No adda saludsodmo maipapan kadagiti pagannurotan ti maysa a third-party vendor, pangngaasim ta kitaem ti pagannurotan a naikabil iti website-da.

Seguridad

Nakapatpateg kadakami ti seguridad dagiti personal nga impormasion nga intedmo. Bayat ti pannakaipatulod dagiti personal nga impormasionmo, protektaranmi dagita babaen iti panangusarmi iti encryption kas iti Transport Layer Security (TLS). Agus-usarkami kadagiti computer system a napili laeng dagiti makalukat ken naikabil kadagiti pasilidad nga addaan iti nainget a seguridad tapno maprotektaran ti kinakompidensial ken mataginayon ti seguridad ti impormasion a naipatulod kadakami.

Account

Ti e-mail address nga itedmo no mangaramidka iti account iti daytoy a website ket mausar tapno makontakdaka maipapan iti account-mo. Kas pagarigan, no nalipatam ti user name wenno password-mo ket agpatulongka nga ag-log in, mangipatulodkami iti mensahe iti e-mail address a naikabil iti user profile-mo tapno matulongandaka.

Donasion

No agdonarka iti kuarta online, alaenmi ti nagan ken contact information-mo. Tapno maawatmi dagiti donasion babaen iti credit card, agus-usarkami kadagiti autorisado a mangiprosproseso iti panagbayad online nga addaan iti dekalidad a pagannurotan mainaig iti seguridad ken kinapribado dagiti impormasion. Saanmi nga i-save ken saanmi a mausar dagiti impormasion maipapan iti credit card-mo, ti bank account number-mo, wenno ti dadduma pay nga impormasion a naipatulod kadagiti mangiprosproseso iti panagbayad online. Idulin ti makaawat iti donasion dagiti rekord ti transaksion iti saan a nababbaba ngem 10 a tawen. Karaman iti dayta dagiti rekord ti petsa ti panagdonar, gatad ti donasion, ken pamay-an ti panagdonar. Ar-aramidenmi dayta tapno masurotmi dagiti estandarte mainaig iti accounting ken masungbatanmi ti aniaman a saludsodmo bayat dayta a 10 a tawen. Saandaka a kontaken tapno dumawat iti kanayonan a donasion.

Dadduma Pay nga Impormasion

Mabalinmo ti agisubmitir kadagiti personal nga impormasion (kas iti nagan, postal address, ken numero ti telepono) para iti dadduma pay a panggep malaksid iti panagdonar wenno panagaramid iti account (kas iti panagkiddaw iti libre a panagadal iti Biblia). Alaen, idulin, ken usarenmi dagitoy nga impormasion para laeng iti panggep nga insubmitirmo dayta ken no laeng kasapulan.

Cookies ken Dagiti Umasping a Teknolohia

Adda dagiti impormasion nga al-alaenmi bayat ti panagusarmo iti website-mi. Ar-aramidenmi dayta babaen kadagiti “cookies,” “web beacons,” ken dagiti umasping a teknolohia. Nalawa ti saklawen ti termino a cookie iti daytoy a pagannurotan ti kinapribado ken ramanenna dagiti umasping a teknolohia kas iti “local storage.”

Cookies. Kas iti kaaduan a website, adda sumagmamano nga impormasion a mai-save iti mobile phone, tablet, wenno iti hard drive ti computer-mo no usarem daytoy a website. Maawagan dayta iti “cookie.” Adda nagduduma a klase ti cookie a maus-usar iti nadumaduma a pamay-an ken kaaduanna a mangpasayaat iti panangusarmo iti website. Mabalin a mangusarkami kadagiti cookies tapno maammuanmi no linuktam idin ti website wenno tapno mai-save-mi dagiti pinilim a settings. Kas pagarigan, mabalin a mai-save iti maysa a cookie ti napilim a lengguahe tapno dayta a lengguahe ti makitam no aglukatka manen iti website. Saanmi nga us-usaren dagiti cookies tapno mangyendorso iti aniaman a produkto wenno serbisio.

Dagiti klase ti cookies a nausar iti daytoy a website ket mabalin a magrupo iti tallo a kategoria:

  1. Strictly Necessary Cookies—Napateg dagitoy tapno mausarmo ti dadduma a feature ti website, kas iti panag-log in wenno panangited kadagiti form iti website. No awan dagitoy a cookies, saan a maipaay dagiti serbisio a kidkiddawem, kas iti panagdonar. Karaman met kadagitoy dagiti cookies a kasapulan tapno maipaaymi dagiti kidkiddawem a serbisio bayat ti panagusarmo iti website. Dagitoy a cookies ket saan a mangala kadagiti impormasion maipapan kenka a mabalin a mausar iti panaglako wenno iti panangi-save kadagiti linuktam a website iti Internet.

  2. Functionality Cookies—Mausar dagitoy tapno mai-save dagiti pinilim (kas iti user name-mo, lengguahem, wenno lugar nga ayanmo) ken tapno mapasayaat ti panangusarmo iti website.

  3. Analytical Cookies—Mausar dagitoy tapno maammuan dagiti impormasion maipapan iti panangusar dagiti indibidual iti daytoy a website, kas pagarigan, ti bilang ti panaglukat wenno ti average a kapaut ti panagusar iti daytoy a website. Mausar laeng dagiti impormasion tapno mapasayaat ti website.

Ti dadduma a cookies ket first-party cookies nga in-set ti website-mi. Third-party ti dadduma a cookies nga in-set ti sabali a website. First-party cookies laeng ti us-usarenmi, malaksid kadagiti third-party cookies a nainaig iti Google reCAPTCHA. Maus-usar ti Google reCAPTCHA tapno masigurado a tao ti agus-usar iti website, saan a computer. Iti kasta, saan a makaawat dagiti agus-usar kadagiti spam, wenno dagiti saanda a kasapulan nga e-mail. Pangngaasim ta kitaem ti pagannurotan iti kinapribado ti Google iti https://www.google.com/intl/en/policies/privacy/.

Web Beacons. Mabalin nga adda dagiti elektroniko a files, a maawagan iti web beacons, kadagiti panid ti website-mi a mausar tapno mai-save dagiti ar-aramiden dagiti agus-usar, kas koma no aglukatda iti partikular a panid. Mausar dagiti web beacons tapno mamonitor ti pannakausar ken panagandar daytoy a website.

IP address. Ti IP address ket maysa a numeric code a mangirepresentar iti computer-mo iti internet. Usarenmi ti IP address-mo ken ti klase ti browser-mo tapno maanalisarmi ti panagusarmo iti website, maammuanmi dagiti problema iti daytoy a website, ken mapasayaatmi ti serbisio a maipaaymi kenka.

Ti Pilim. Iti kaaduan a browser, mabalinmo nga i-turn off dagiti cookies wenno adda mensahe nga agparang sakbay nga adda mai-save a cookie iti device-mo. Pangngaasim ta kitaem dagiti instruksion iti browser-mo tapno maammuam no kasanom nga aramiden dayta. Ngem laglagipem a no awan dagiti cookies, mabalin a saanmo a mausar a naan-anay ti amin a feature ti website-mi.

Active Scripting Wenno JavaScript

Maus-usar ti scripting tapno mapasayaat ti panagandar ti site. Babaen iti daytoy a teknolohia, naparpartak nga iproseso ti site ti impormasion a kasapulam. Saan a pulos us-usaren ti site ti scripting tapno mang-install iti software iti computer-mo wenno mangala iti impormasion nga awan ti pammalubosmo.

Tapno nasayaat ti panagandar ti dadduma a paset ti site, masapul a naka-enable ti Active scripting wenno JavaScript iti browser. Iti kaaduan a browser, mabalin nga i-enable wenno i-disable daytoy a feature para iti dadduma a site. Tapno maammuam no kasano nga i-enable ti scripting para iti dadduma a site, kitaem ti help iti browser.

Dagiti Kalintegam

Awan bayadam iti panangusarmo iti daytoy a website, a pakairamanan ti panangi-download kadagiti publikasion, video, wenno audio program. Saan a kasapulan nga agaramidka iti account, agdonar, wenno mangted kadagiti personal nga impormasion tapno mausarmo ti website. Ngem no mangaramidka iti account, agdonarka, wenno agkiddawka iti libre a panagadal iti Biblia wenno sabali pay a banag nga agkasapulan iti panangitedmo kadagiti personal nga impormasionmo, kaipapananna nga immanamongka iti daytoy a Pagannurotan Mainaig iti Kinapribado ken iti Cookies; iti pannakai-save dagiti impormasion kadagiti server nga adda iti United States of America; iti panangala, panangproseso, panangyakar, ken panangi-save ti Watchtower ken dagiti organisasion a mangsupsuporta kadagiti Saksi ni Jehova iti nadumaduma a pagilian iti personal nga impormasionmo tapno maiproseso ti serbisio a kidkiddawem. Nagduduma ti pamay-an ti pannakaala dagiti impormasion depende iti ar-aramidem iti website. Kas pagarigan, no agdonarka iti maysa a korporasion iti maysa a pagilian, maited iti dayta a korporasion ti nagan ken contact information nga insubmitirmo bayat ti panagdonarmo. Kasta met, no agkiddawka iti panagadal iti Biblia, maited ti nagan ken contact information-mo iti maysa a sanga nga opisina dagiti Saksi ni Jehova tapno maited ti kiddawmo.

No saanmo nga ited dagiti personal nga impormasion a kasapulan tapno makaaramidka iti account, makapagdonarka, wenno makakiddawka iti dadduma pay a serbisio iti website nga agkasapulan iti personal nga impormasion, saanmi a maited ti kidkiddawem.

No kas pagarigan ta kasapulan nga adda baliwanmi iti Pagannurotan Mainaig iti Kinapribado ken iti Cookies daytoy a website, ikabilmi dagita iti daytoy a panid tapno ammom no ania nga impormasion ti al-alaenmi ken no kasanomi nga usaren dagita.

No ipalubos ti linteg, mabalin nga adda pay dagiti kanayonan a kalintegam mainaig iti personal nga impormasionmo. Mabalin a ramanenna dayta ti kalintegam a mangkita, manglukat, mangilinteg, wenno mangikkat iti personal nga impormasion nga intedmo kadakami babaen iti daytoy a website. No agaplikar dayta iti pagilian nga ayanmo, adda makitam a contact information ditoy. No ti saludsodmo maipapan iti personal nga impormasionmo ket mainaig iti panagdonar, pangngaasim ta kontakem ti nangawat iti donasionmo a naibaga kenka bayat ti panagdonarmo ken naikabil iti resibo ti donasionmo.