Mapan iti linaonna

Pagannurotan iti Kinapribado

Pagannurotan iti Kinapribado

NAPATEG: NO USAREM TI WEBSITE-MI KEN/WENNO MANGITEDKA ITI ANIAMAN A PERSONAL NGA IMPORMASIONMO, NALAWAG NGA IPALPALUBOSMO NGA AMIN A PERSONAL NGA IMPORMASION NGA INTEDMO KET MABALINMI NGA USAREN ITI PAMAY-AN KEN ITI PANGGEP A NADESKRIBIR ITI DAYTOY A PAGANNUROTAN ITI KINAPRIBADO KEN KAS PANANGSUROT KADAGITI EPEKTIBO A PAGLINTEGAN KEN PAGANNUROTAN MAINAIG KADAGITI PERSONAL NGA IMPORMASION.

 PANANGRESPETO ITI KINAPRIBADOM

Responsabilidadmi a protektaran ken respetuen ti kinapribadom. Naikabil iti daytoy a pagannurotan dagiti pangibasaranmi no ania a personal nga impormasionmo nga innalami kenka wenno intedmo ti usarenmi iti website-mi. Adda dagiti idulinmi nga impormasion no bisitaem ti website-mi ket bigbigenmi a napateg a protektaranmi dagita ken ipakaammomi kenka no pangusaranmi kadagita. Mabalinmo a pilien no ania a personal nga impormasion ti itedmo. Ti termino a “personal nga impormasion” a nausar iti daytoy a pagannurotan ket tumukoy iti nagan, e-mail address, adres a pakaipatulodan iti surat, numero ti telepono, wenno aniaman nga impormasion a mangipabigbig kenka. Saan a kasapulan a mangtedka iti personal nga impormasion no luktam ti pangpubliko a paset daytoy a website. Ti termino a “website” ramanenna daytoy a website ken ti dadduma a nainaig a website-mi, kas iti apps.jw.org, tv.jw.org, stream.jw.org, ken wol.jw.org.

 IMPORMASION MAIPAPAN ITI MANGKONKONTROL ITI PERSONAL NGA IMPORMASIONMO

Daytoy a website ket kukua ti Watchtower Bible and Tract Society of New York, Inc. (“Watchtower”), maysa a saan a pangnegosio a korporasion idiay New York a mangsupsuporta kadagiti aktibidad dagiti Saksi ni Jehova ken iti trabahoda a panangisuro iti Biblia. No nagdesisionka a mangaramid iti account, agdonar, agkiddaw iti libre a panagadal iti Biblia, wenno dadduma pay nga agkasapulan iti personal nga impormasionmo, umanamongka iti daytoy a Pagannurotan, kasta met iti pannakaidulin dagiti impormasionmo kadagiti server idiay United States of America ken iti pannakakolekta, pannakaiproseso, pannakayakar, ken panangidulin ti Watchtower kadagiti personal nga impormasionmo ken dadduma pay nga organisasion a tumultulong kadagiti Saksi ni Jehova iti nagduduma a pagilian no kasapulan tapno maproseso ti kiddawmo. Agus-usar ti narelihiosuan nga organisasion iti nagduduma a korporasion iti intero a lubong. Para iti pannakaprotektar dagiti impormasion, mabalin a karaman kadagita dagiti lokal a kongregasion, sanga nga opisina, ken dadduma pay nga umasping nga organisasion a tumultulong kadagiti Saksi ni Jehova.

Nagduduma ti mangkonkontrol kadagiti personal nga impormasionmo, depende iti ar-aramidem iti website. Kas pagarigan, no agdonarka iti maysa a legal a korporasion iti maysa a pagilian, maited ti nagan ken impormasion a pangkontakan kenka iti dayta a korporasion kas maibaga kenka bayat ti panagdonarmo. Kasta met, no agkiddawka iti panagadal iti Biblia, maited ti nagan ken impormasion a pangkontakan kenka iti sanga nga opisina ken kongregasion dagiti Saksi ni Jehova iti lugarmo tapno maaramid ti kiddawmo.

No ti pagilian a paggigianam ket addaan kadagiti agaplikar a paglintegan mainaig iti pannakaprotektar dagiti impormasion, tapno matulongandaka, makitam ti impormasion a pangkontakan iti pagilian a paggigianam iti page a Dagiti Contact iti Pannakaprotektar Dagiti Impormasion.

 KINATALGED KEN KINAKOMPIDENSIAL DAGITI IMPORMASION

Bigbigenmi a serioso a banag ti kinatalged ken kinakompidensial dagiti personal nga impormasionmo. Agus-usarkami kadagiti kabaruan a pagidulinan kadagiti impormasion ken teknik iti kinatalged tapno maprotektaranmi dagiti personal nga impormasionmo tapno saan a maluktan dagiti saan nga autorisado, mausar iti di umiso a pamay-an wenno maiwaras, mabaliwan, di nainkalintegan a madadael, wenno aksidente a mapukaw. Amin a mangprosproseso kadagiti personal nga impormasion wenno aniaman a third party nga us-usarenmi tapno maproseso dagiti personal nga impormasion masapul a respetuenda ti kinakompidensial dagiti impormasionmo. Idulinmi laeng dagiti personal nga impormasion no talaga a kasapulan para iti panggep nga innalami kenka wenno kas panangsurot iti agaplikar a legal reporting wenno document retention requirements.

Protektaranmi dagiti impormasion bayat ti pannakaipatulodda babaen kadagiti encryption protocol kas iti Transport Layer Security (TLS). Agus-usarkami kadagiti computer system nga addaan iti limitado nga access protocol, a naikabil iti pasilidad a natalged iti pisikal ken addaan kadagiti elektroniko ken nagduduma a pamay-an ti pannakaprotektar dagiti impormasion tapno maprotektaran ti kinakompidensial ken kinatalged dagiti impormasion a maipatpatulod kadakami. Istrikto a sursurotenmi dagiti pagannurotan iti kinatalged tapno saan a maala, makita, ken mausar ti asinoman a di autorisado.

 MENOR DE EDAD

No maibilangka a menor de edad iti pagilian a pangluklukatam iti website-mi, mabalinmo laeng nga ited dagiti personal nga impormasionmo iti daytoy a website no kaduam ti/dagiti nagannakmo wenno mangay-aywan kenka. No maysaka a nagannak wenno agay-aywan ken palubosam ti maysa a menor de edad a mangisubmitir iti personal nga impormasionna iti daytoy a website, umanamongka iti daytoy a Pagannurotan mainaig iti panagusar ti menor de edad.

 DAGITI THIRD-PARTY VENDOR

No dadduma, adda dagiti link iti daytoy a website a mapan iti website ti maysa a third-party vendor a pinilimi tapno mangaramid iti dadduma a serbisio para kadakami (kas pagarigan, ti panang-fill up kadagiti online forms). No addaka iti website ti maysa a third-party vendor, makitam a naiduma ti itsura ti website ken agbaliw ti address bar ti browser-mo. No agpilikami kadagiti third-party vendor, adalenmi a naimbag ti pagannurotanda mainaig iti kinapribado ken ti pagannurotanda iti pannakaprotektar dagiti impormasion tapno masiguradomi nga agpada ti estandarte dagiti pagannurotanda ken ti estandartemi. Regular met nga ar-aramidenmi dayta kalpasan a nakapilikami kadagiti third-party vendor. Nupay kasta, mangipaay dagitoy a third-party vendor kadagiti apps ken serbisio a saanmi a kontrolado ti programming, pagannurotan iti panagusar, pagannurotan iti kinapribado, ken dagiti gagangay a kondisionda. Gapu iti daytoy, ti panangusarmo kadagitoy nga apps ken serbisio iti daytoy a website ket nakadepende iti agdama a pagannurotan ken kondision nga impaay ti third-party vendor. Saan a maipakaammo kadakami dagiti update isu a pangngaasim ta repasuem dagiti pagannurotan sakbay nga usarem dagiti serbisio ti third-party vendor. No adda saludsodmo maipapan kadagiti pagannurotan ti maysa a third-party vendor, pangngaasim ta kitaem ti pagannurotan a naikabil iti website-da.

 Ti panangusarmo iti serbisio ti Google Maps iti daytoy a website ket nakadepende iti agdama a Google Privacy Policy. Ti Google ket maysa a third-party vendor a saanmi a kontrolado ti programming-na ken ti Pagannurotan iti Panagusar iti dayta. Gapu iti daytoy, ti panangusarmo iti serbisio ti Google Maps iti daytoy a website ket nakadepende iti agdama a Google Maps/Google Earth Additional Terms of Service. Saan a maipakaammo kadakami dagiti update isu a pangngaasim ta repasuem dagiti pagannurotanda sakbay nga usarem ti serbisio ti Google Maps. Saanmo nga us-usaren ti Google Maps no saanmo nga akseptaren dagiti pagannurotan dayta.

PAKAAMMO MAINAIG ITI PANAGBALBALIW DAYTOY A PAGANNUROTAN

 Itultuloymi a paspasayaaten ken naynayonan ti usar ken feature daytoy a website, ken paspasayaaten ken naynayonanmi dagiti serbisiomi. Gapu kadagitoy nga agtultuloy a panagbalbaliw, kasta met dagiti panagbalbaliw ti linteg ken ti teknolohia, masansan nga agbaliw dagiti pangusaranmi kadagiti personal nga impormasion. No makitami a kasapulan a baliwanmi daytoy a Pagannurotan, i-post-mi ti aniaman a panagbalbaliw iti daytoy a page tapno ammom no ania nga impormasion ti kasapulanmi ken no kasanomi nga usaren dayta.

ACTIVE SCRIPTING WENNO JAVASCRIPT

Maus-usar ti scripting tapno mapasayaat ti panagandar ti website-mi. Babaen iti daytoy a teknolohia, naparpartak nga iproseso ti website ti impormasion a kasapulam. Saan a pulos us-usaren ti site ti scripting tapno mang-install iti software iti computer-mo wenno mangala iti impormasion nga awan ti pammalubosmo.

Tapno nasayaat ti panagandar ti dadduma a paset ti site, masapul a naka-enable ti Active scripting wenno JavaScript iti browser. Iti kaaduan a browser, mabalin nga i-enable wenno i-disable daytoy a feature para iti dadduma a site. Tapno maammuam no kasano nga i-enable ti scripting para iti dadduma a site, kitaem ti Help iti browser.