SEKSION 1

Manipud iti Tiempo ni Enoc Agingga iti Tiempo Dagiti Uk-ukom

Iti daytoy a seksion, adalentayo ti dadduma a nangipakita iti naisangsangayan a pammati ken kinatured. Mangrugitayo iti tiempo ni Enoc ken agleppastayo iti panawen ni propeta Samuel.

Timeline ti Seksion 1

Tsart a mangipakita no kaano a nagbiag dagiti karakter ti Biblia ken dagiti napapateg a pasamak iti Biblia.

1 ENOC

Nakipagna iti Dios

Naiduma ni Enoc kadagiti tattao idi panawenna iti dua a pamay-an. Kasano? Ania ti masursurotayo kenkuana maipapan iti kinatured?

2 NOE

Impakitana a Maikari a Madusa ti Lubong

Ania ti nagpadaan ti kaaldawantayo ken ti kaaldawan ni Noe? Kitaem no kasanom a matulad ti kinatured ni Noe.

3 SARA

Saanna Man Laeng a Pinanunot ti Agsubli

Kadagiti ania a pamay-an nga impakita ni Sara ti pammati ken kinatured?

4 ABRAHAM

Ti Kaunaan a Lalaki a Nakigubat Para ken Jehova

Ania ti masursurotayo iti situtulok a panangisalakan ni Abraham iti kaanakanna a ni Lot? Ania ti inaramid ni Jehova idi impakita ni Abraham ti tured ken pammati?

5 ABRAHAM

Nagtulnog iti Bilin ni Jehova Uray Nakarigrigat Dayta

Kasanotayo a matulad ti kinatured ni Abraham nga agtulnog iti Dios? Ania ti isuro daytoy a salaysay kadatayo maipapan iti ayat ni Jehova?

6 REBECCA

Situtured a Napan iti Lugar a Dina Pay Nakita

Ni Rebecca ket nagsayaat nga ulidan iti kinatured ken pammati. Ania ti masursurotayo iti ulidanna?

7 JACOB

Situtured a Prinotektaranna ti Pamiliana

Kasano a ti ulidan ni Jacob ipakitana a saan a sayang ti aniaman a panagrigatmo a manggun-od ti pamendision ni Jehova?

8 JOSE

Saan a Nagpasulisog

Kitaem no kasano a makatulong ti ulidan ni Jose tapno malabanam ti sulisog ken maibturam dagiti pakarigatan.

9 SIFRA, PUA, AMRAM, JOCABED, KEN MIRIAM

‘Gapu iti Pammati, Nailemmeng ni Moises’

Impakita dagiti partera, nagannak ni Moises, ken ti manangna ti naisangsangayan a pammati ken kinatured. Kasanotayo a matulad ida?

10 MOISES

Umiso ti Desisionna

Ania a desision ti inaramid ni Moises ken apay? Ania ti masursurom iti ulidanna?

11 MOISES

“Mapanka ken Faraon”

Kasano a makatulong ti ulidan ni Moises tapno agtalektayo a tulongannatayo ni Jehova no mariknatayo a ditay kualipikado a mangaramid iti annongen nga intedna?

12 CALEB

Nagtalinaed a Matalek iti Diosna

Kitaem no kasano a makatulong ti ulidan ni Caleb tapno saantayo a nalaka a ‘sumurot iti kaaduan.’

13 JOSUE

Sinurotna Dagiti Karkarna nga Instruksion

Ania dagiti karkarna nga instruksion a naawat ni Josue manipud ken Jehova? Kadagiti ania a situasion a matuladtayo ni Josue?

14 RAHAB

Pinilina ni Jehova Imbes a Dagiti Kailianna

Ania ti masursurotayo iti inaramid ni Rahab? Kasano a nabendisionan gapu iti pammati ken kinaturedna?

15 DA NOEMI KEN RUTH

Nagtinnulongda iti Narigat a Tiempo

Kasano a matuladtayo ti kinatured da Noemi ken Ruth? Ania ti masursurotayo iti ulidanda?

16 DA BARAK KEN DEBORA

“Kumuyogak Kenka”

Impapilit ni Barak a kumuyog ni Debora kenkuana iti paggugubatan. Ipakita kadi dayta a nakapuy ti pammati ni Barak? Wenno natibker ti pammatina?

17 JAEL

“Ti Napadayawan Unay Kadagiti Babbai”

Malaglagip pay laeng agingga ita ti kinatured ni Jael a nangpatay iti kabusor ni Jehova. Apay a kasapulantayo unay ita ti kinatured a kas ken Jael?

18 GIDEON

Natured ken Naannad

Ania dagiti situasion a mabalin a kasapulan a natured ken naannadtayo?

19 NI JEFTE KEN TI BALASANGNA

Tinungpalda ti Narigat a Kari

Kasano a makatulong kadatayo ita ti ulidan ni Jefte ken ti balasangna?

20 SAMSON

Nagbalin a Natured Uray Idi Kimmapuy

Ania ti masursurotayo iti inaramid ni Samson kalpasan a nagkamali?

21 SAMUEL

Ubing a Situtured a Nangipakaammo iti Mensahe ni Jehova

Kaano a mabalin a kasapulan dagiti agtutubo ti tured a mangaramid iti umiso?

SEKSION 2

Manipud iti Tiempo Dagiti Ar-ari Agingga iti Pannakaibangon Manen ti Jerusalem

Iti daytoy a seksion, adalentayo ti ulidan dagiti adipen ti Dios idi un-unana a nangipakita iti pammati ken kinatured. Mangrugitayo ken Jonatan, nga anak ni Ari Saul, sa pagsasaritaantayo ti maipapan ken Ari David, ken agleppastayo iti tiempo a nagsubli iti Jerusalem ti ili ti Dios manipud Babilonia agingga iti panangibangonda manen ti Jerusalem.

Timeline ti Seksion 2

Tsart a mangipakita no kaano a nagbiag dagiti karakter iti Biblia ken dagiti napapateg a pasamak iti Biblia bayat ti tiempo dagiti ar-ari agingga iti pannakaibangon manen ti Jerusalem.

22 JONATAN

Kasapulanna ti Tured Tapno Agbalin a Matalek

Masapul nga agpili ni Jonatan no asino ti ad-adda a pangipakitaanna iti kinamatalek. Kasano a nakaaramid iti umiso a desision? Kasano a matuladtayo ni Jonatan?

23 DAVID

Situtured a Nakilaban iti Higante

Ni David ket pagaammo kas ‘natured ken nabileg a mannakigubat.’ Kasano a naparegta ti sabsabali iti ulidanna? Ania met ti mabalin nga epekto iti sabsabali ti kinaturedmo?

24 ABIGAIL

Pinagkalmana ti Dua a Makapungpungtot a Lallaki

Ania ti masursuro dagiti assawa a lallaki ken babbai iti salaysay maipapan ken Abigail?

25 DAVID

Situtured nga Inaramidna ti Umiso

Addan tsansa ni David nga agibales. Ngem apay a saanna nga inaramid dayta? Kasanotayo a matulad ti ulidanna?

26 NATAN

Inlintegna ti Ari

Ania ti masursurotayo iti ulidan ni Natan maipapan iti panangtulongtayo iti maysa a gayyem a nakaaramid iti nadagsen a basol?

27 MEFIBOSET

Saan a Nagimula iti Sakit ti Nakem

Ania dagiti makaliwliwa a masursurotayo ken Mefiboset?

28 ASA

Naan-anay a Nagserbi ken Jehova iti “Intero a Panagbiagna”

Ania ti masursurotayo iti lalaki a naan-anay ti pusona ken Jehova?

29 ELIAS

“Ni Jehova ti Diosko”

Ania ti nakatulong ken Elias a manglaban iti butengna?

30 TI BALO IDIAY SAREFAT

Impakitana ti Kinatured Uray no Nakarigrigat ti Situasionna

Apay a ti pakasaritaan ti balo paregtaennatayo nga agtalek ken Jehova?

31 TI BALASITANG NGA ISRAELITA

Nagsao ti Natured a Balasitang Maipapan iti Diosna

Maparegtanaka ti ulidan ti balasitang a mangasaba uray no mabutengka.

32 ELISEO

“O Jehova, Pangngaasim ta Luktam Dagiti Matana”

Ania dagiti situasion a mapabilegtayo no panunotentayo a saan nga adayo dagiti anghel ken nakasaganada a tumulong kadatayo?

33 JEHOIADA

Prinotektaranna ti Ari a Pinili ni Jehova

Kasano nga impakita ni Jehoiada ti kinatured? Ania ti dadduma a pamay-an a matuladmo ti kinaturedna?

34 EZEKIAS

“Nagmatalek ken Jehova”

Impakita ni Ezekias ti nabileg a pammati ken kinatured. Kasanotayo a matulad ita?

35 MANASES

Situtured a Nagbabawi

Apay a maibilang ni Manases a nasayaat nga ulidan iti kinatured?

36 JOSIAS

Tinulonganna Dagiti Tattao nga Agsubli ken Jehova

Uray no saan a nasayaat ti pannakapadakkelna, impakita ni Josias ti naisangsangayan a kinatured para iti nadalus panagdaydayaw. Kasanotayo a matulad isuna?

37 DANIEL

Determinado a Saan nga Agkompromiso

Kasano a matulad dagiti agtutubo ti kinatured ken kinamatalek ni Daniel? Kasanotayo a magunggonaan iti ulidanna?

38 TI TALLO A HEBREO

“Iniddepda ti Gumilgil-ayab nga Apuy”

Nakaturtured ti tallo a Hebreo uray no delikado ti biagda. Ania ti masursurotayo kadakuada maipapan iti kinapakumbaba, kinaalumamay, ken kinamatalek?

39 ESTER

“No Masapul a Matayak, Matayak”

Masirib ken natulnog ni Ester. Nakombinsirna pay ketdi ti asawana a saan nga agdaydayaw ken Jehova. Ania ti masursurotayo iti ulidanna?

40 NEHEMIAS

Imbangonna Manen Dagiti Pader

Ania ti masursurotayo iti ulidan ni Nehemias maipapan iti panagserbi ken Jehova? Kasano a matulad dagiti panglakayen ti ulidanna?

SEKSION 3

Manipud iti Tiempo ni Jesus Agingga ken Apostol Juan

Iti daytoy a seksion, adalentayo ti ulidan dagiti adipen ti Dios idi umuna a siglo a nangipakita iti pammati ken kinatured, a pakairamanan ti Judio a balasang a ni Maria agingga ken apostol Juan.

Timeline ti Seksion 3

Tsart a mangipakita no kaano a nagbiag dagiti karakter ti Biblia a nadakamat iti Seksion 3. Ipakitana met ti dadduma a napapateg a pasamak manipud iti tiempo ni Jesus agingga iti maudi nga al-aldaw ni apostol Juan.

41 DA ZACARIAS KEN ELISABET

“Agpadada a Nalinteg iti Dios”

Apay nga imbilang ni Jehova da Zacarias ken Elisabet a nalinteg? Kasanotayo a matulad ida?

42 MARIA

Situtured nga Inawatna ti Nadagsen a Responsabilidad

Naikkan ni Maria iti espesial ken nadagsen nga asaynment. Kasano a naaddaan iti tured a mangaramid iti dayta?

43 JOSE

Imbaklayna ti Nadagsen a Responsabilidad

Apay a nagsayaat nga ulidan ni Jose para kadagiti Kristiano nga ama ita?

44 JUAN A MAMMAUTISAR

“Awan ti Natantan-ok” Ngem Kenkuana

Ni Juan ket natured a lalaki a simple ti panagbiagna. Kitaem no ania ti masursurom kenkuana.

45 PEDRO

“Maysaak a Managbasol”

Ania ti masursurotayo ken Pedro maipapan iti agtultuloy a panagserbi ken Jehova iti laksid dagiti pagkapuyantayo?

46 MARIA MAGDALENA

“Nakitak ti Apo!”

Inusar ni Maria ti biagna a tumulong ken Jesus ken kadagiti pasurotna. Kasanotayo a matulad ti kinaasi ken kinaturedna?

47 MARIA A KABSAT NI LAZARO

“Inaramidna ti Kabaelanna”

Pinadayawan ni Jesus ni Maria a kabsat ni Lazaro gapu iti pammati ken kinaturedna. Kasanona nga impakita ti kinatured? Kasanotayo a matulad ti ulidanna?

48 ESTEBAN

“Napno iti Pammati ken Nasantuan nga Espiritu”

Nakadepende iti Sanhedrin no matay wenno agbiag ni Esteban. Kasanona nga indepensa ti pammatina? Kasanotayo a maparegta iti ulidanna nga agtalinaed a matalek?

49 PEDRO

Pinaneknekanna nga Isu ket Maysa a Bato

Kasano a makatulong kadatayo ti ulidan ni Pedro tapno agpannuraytayo ken Jehova ken malabanantayo ti butengtayo?

50 SAULO ITI TARSO

Binalbaliwanna ti Panunotna

Ania ti nangbalbaliw iti daytoy naulpit a manangidadanes kadagiti Kristiano? Ania dagiti masursurotayo iti ulidanna?

51 BERNABE

“Anak ti Liwliwa”

Situtured a tinulongan ni Bernabe ni Saulo ken inyam-ammona kadagiti apostol. Kasanotayo a matulad ti kinatured ken kinatulokna nga agserbi iti sabsabali?

52 MARCOS

“Adu ti Maitulongna Kaniak”

Uray no adda dagiti saan a nasayaat a napadasan ni Marcos, intultuloyna ti panagserbina ken ti panangtulongna kadagiti padana a Kristiano. Ania ti masursurotayo kenkuana?

53 PABLO

“Patibkerenyo ti Pakinakemyo”

Kasano nga impakita ni apostol Pablo ti kinatured bayat ti situasion a kasla awanen ti namnamada? Kasano a nakatulong ti kinaturedna iti dadduma?

54 APOSTOL JUAN

Impakitana ti Kinatured Uray Kadagiti Tiempo a Kasla Awanen ti Namnama

Ni apostol Juan ket saan a nagpaabak iti buteng ken pannakaupay. Kasanotayo nga agtultuloy a situtured a makipagna iti Dios kas panangtulad iti ulidanna?

KONKLUSION

Agbalinka a Natured!

Naglaon ti Biblia iti adu nga ulidan dagiti lallaki ken babbai, agtutubo ken nataengan, a nangipakita iti kinatured tapno agtalinaedda a matalek ken Jehova. Maparegtatayo kadagiti estoriada a mangtulad iti inaramidda.

Likud ti Akkub