1. Maysa a siudad dagiti Benjamita a nadakamat a kadua ti Bethel. (Jos 18:21, 22) Kunaen ti dadduma a maysa dayta a disso iti amianan a daya ti Bethel.

  2. Maysa a nangato a disso iti kabambantayan a rehion ti Efraim. Manipud iti daytoy a bantay, nagsao ni Ari Abias ti Juda ket imbagana a ni Jeroboam ken ti sangapulo a tribu ti Israel linaksidda ti tulag ni Jehova ken David mainaig iti pagarian. Mabalin nga adda ti Bethel iti dayta met laeng a lugar. (2Cr 13:4, 19) Mabalin a naipanagan iti Bantay Zemaraim ti nagan ti Zemaraim a siudad dagiti Benjamita, ngem saan a masinunuo agingga ita ti eksakto nga ayan dayta a bantay.