[1-4: Nasamiweng nga Uni]

  1. Anak ni Hebron ken ama ni Raham iti linia dagiti kaputotan ni Juda babaen ken Caleb.​—1Cr 2:42-44.

  2. Maysa a kaputotan ni Ruben.​—1Cr 5:3, 8.

  3. Pannakaulo ti maysa a Benjamita a sangakabbalayan a nagtaeng idiay Ajalon ken karaman kadagidiay namagtalaw kadagiti agnanaed iti Gat. (1Cr 8:12, 13) Nalabit isu met laeng ti Simei iti 1 Cronicas 8:21, a nadakamat kas ama ti siam nga annak.​—1Cr 8:19-21.

  4. Maysa kadagiti innem a nagtakder iti makannawan ni Esdras idi imbasana ti Linteg kadagiti naguummong nga umili; nalabit maysa a padi.​—Ne 8:4.

  5. Maysa a siudad nga adda iti makin-abagatan a teritoria ti Juda (Jos 15:21, 26), nalabit isu met laeng ti Sheba a naipasngat a siudad ti Simeon. (Jos 19:1, 2) Adda dagiti mangisingasing nga isu met laeng ti Jesua ket kunaenda a dayta ti Tell es-Saʽweh (Tel Yeshuʽa), agarup 15 km (9.5 mi) iti daya amianan a daya ti Beer-seba.