Nabatad a nagan ti disso nga ayan ti dakkel a pagurnongan ti danum a sadiay a nagimtuod ni Saul no sadino ti ayan da David ken Samuel. (1Sm 19:21, 22) Ti Secu ket asideg iti Rama, ngem saanen nga ammo ita ti eksakto nga ayanna. Kaykayat ti dadduma nga eskolar nga aramaten ti sasao a “pagirikan nga adda iti pangalbuen a turod [tapaw]” (JB, AT) imbes a ti nagan a “Secu,” kas panangsurotda iti sumagmamano a Griego ken Latin a manuskrito.