[Nangpaimbag ni Jah].

  1. Maikadua a nainaganan nga anak ni Tola ken pannakaulo ti maysa a “balay ti amma” iti tribu ni Isacar.​—1Cr 7:1, 2.

  2. Maysa a Benjamita a kaputotan ni Ari Saul ken ni Jonatan. (1Cr 9:39-43) Naawagan Rafah iti 1 Cronicas 8:37.

  3. Maysa kadagiti uppat nga annak ni Isi. Maysa ni Refaias a nangidaulo iti 500 a Simeonita a bumusor kadagiti Amalekita a nakalibas a nagturong idiay Bantay Seir, nalabit bayat ti panagturay ni Ezekias. Kalpasanna, sinakup dagiti Simeonita daytoy a teritoria.​—1Cr 4:41-43.

  4. Maysa a kaputotan ni David kalpasan ti pannakaidestiero.​—1Cr 3:5, 9, 10, 21.

  5. Maysa nga opisial idiay Jerusalem a timmulong iti proyekto ni Nehemias a panangtarimaan iti pader ti Jerusalem; anak ni Hur.​—Ne 3:9.