Maysa kadagiti 70 a lallakay ti Israel a napili a tumulong ken Moises bayat ti panagdaliasatda idiay let-ang. Nupay saan a napan da Medad ken Eldad iti tolda ti gimong a kadua ti dadduma, “nairamanda kadagidiay naisurat.” Gapuna, idi innala ni Jehova ti dadduma nga espiritu nga adda ken Moises, sana inkabil iti tunggal maysa kadagiti 70 a lallakay, immawatda met iti espiritu ket nagtignayda kas mammadto iti pakarso. (Nu 11:16, 17, 24-26) Nupay insingasing ni Josue a malapdan koma da Medad ken Eldad, kinuna ni Moises: “Agim-imonka kadi maipaay kaniak? Saan, tarigagayak nga amin a tattao ni Jehova mammadtoda, agsipud ta ikabil ni Jehova ti espirituna kadakuada!”​—Nu 11:27-29.