Pamilia ti papadi a ti pannakabagi dayta ket nagserbi idi kaaldawan ti Nangato a Padi a ni Joiaquim, ken idi kaaldawan da Esdras ken Gobernador Nehemias.​—Ne 12:12, 14, 26.

 Ti nagan a Malluki ket adda iti Masoretiko a teksto nga addaan iti kere, wenno notasion iti marhin, iti kasta rumbeng a mabasa dayta kas “Melicu,” a daytoy naud-udi a nadakamat a porma ket masarakan iti King James Version. “Malluc” ti mabasa iti Griego a Septuagint, ket pagarupen ti sumagmamano nga eskolar a dayta ti orihinal a porma. Isingasing dagitoy nga eskolar (ngem awan pamay-an a pangpaneknek iti dayta) a ti pannakainayon ti i (yodh [י] iti Hebreo) iti ngudo ti nagan ket gapu iti di inggagara a pannakaulit ti umuna a letra ti sumaganad a sao iti pannakakopia ti manuskrito.