Daytoy a nagan agparang iti maysa a listaan dagiti kaputotan ni Caleb babaen iti kamalalana a ni Maaca, a ti anakna a ni Seva naawagan iti “ama ni Macbena ken ti ama ni Gibea.” (1Cr 2:48, 49) Napaliiw ti sumagmamano a komentarista nga adu kadagiti nagan iti daytoy a benneg ket agparang met kas nagnagan ti il-ili. Ngarud, isingasingda a ti Macbena mabalin a nagan ti maysa nga ili nga imbangon wenno ‘imputot’ ni Seva.