Daydiay nangsuno ken Jefte kas ukom ti Israel. Ni Ibzan ti ama ti 30 nga annak a lallaki ken 30 nga annak a babbai, a mangipasimudaag nga isu ket poligamista ken nalawag met a maysa a tao a nabaknang. Nangala iti 30 nga annak a babbai kas assawa maipaay iti annakna a lallaki. Kalpasan ti pito a tawen a panagserbina kas ukom, natay ni Ibzan ket naitabon iti nakayanakanna a siudad ti Betlehem, nalabit ti Betlehem iti Zabulon.​—Uk 12:7-10; Jos 19:10, 14, 15; kitaenyo ti BETLEHEM Num. 2.