[Nasnasion].

  1. Ti pagturayan ni Ari Tidal, a kaaliansa ti Elamita nga ari a ni Kedorlaomer. (Ge 14:1-9) Nupay adun a lugar ti naibaga nga ayanna, saan pay a masinunuo no sadino dayta. Gapu iti kaipapanan daytoy a termino ken gapu ta naipatarus iti dadduma pay a teksto (Uk 4:2; Isa 9:1) kas kadawyan a nombre (“nasnasion”) imbes a piho a nagan, kunaen ti dadduma a ti Goiim ket napagtitipon a tribu a nagtaud iti nadumaduma a nasion.​—Kitaenyo ti TIDAL.

  2. Ti disso iti laud ti Jordan a masaksakupan ti maysa a Canaanita nga ari a pinarmek ni Josue. Isu ket nadakamat kas “ari ti Goiim idiay Gilgal.” (Jos 12:7, 23) Ti laeng ammo maipapan iti Goiim ket ti posible a kabeserana wenno sentrona a Gilgal saan nga isu ti nalatak a nagpakarsuan dagiti Israelita a Gilgal met laeng ti naganna nga adda iti asideg ti Jordan.