[Ginget Dagiti Nasigo a Trabahador].

 Ginget a napanaganan maigapu iti komunidad dagiti nasigo a trabahador nga agnanaed sadiay. (1Cr 4:14) Ni Joab ti “ama” wenno nangbuangay iti daytoy a komunidad, nupay nabatad a saan nga isu ti Joab idi tiempo ni David. Nagyanan dayta dagiti Benjamita kalpasan ti pannakaidestiero idiay Babilonia. (Ne 11:31, 35) Adda dagiti geograpo a mangipagarup nga adda dayta iti Wadi esh-Shellal, maysa nga akaba a ginget a masarakan iti sumagmamano a milia iti abagatan a daya ti Tel Aviv-Yafo; kunaen met ti dadduma nga isu ti Sarafand el-Kharab iti abagatan a laud ti nadakamat a ginget.