[mabalin a, Makaparurod; Nagrurodan].

 Ti anak ni Ebed nga immay iti Siquem agraman ti kakabsatna, ket naalana ti panagtalek dagiti agtagtagikua iti daga sadiay. (Uk 9:26) Sakbay daytoy, dagitoy nga agtagtagikua iti daga pinapigsada ti ima ni Abimelec tapno papatayenna ti annak ni Jerubaal (Gideon), ket kalpasanna pinagbalinda nga arida. (Uk 9:1-6) Nalawag a ni Abimelec dinutokanna ni Zebul kas agtaeng a prinsipe ti Siquem, idinto ta isu a mismo nagnaed idiay Aruma. Idi agangay, timmanor ti dakes nga espiritu iti nagbaetan ni Abimelec ken dagiti agtagtagikua iti daga iti Siquem. Gapuna, ni Gaal ken ti kakabsatna sinugsoganda ti siudad nga umalsa maibusor ken Abimelec. Idi nangngeg daytoy ni Zebul, madagdagus a nangipatulod iti sao ken Abimelec, buyogen ti maysa a singasing no kasano a mapagballigianna ti kasasaad a tumantanor idi. Iti pannakibakal ken Abimelec a napasamak kalpasanna, naabak ni Gaal ken ti kakaduana ket nagtalawda a nagsubli iti siudad. Kamaudiananna, ni Zebul pinagtalawna ni Gaal ken ti kakabsatna manipud Siquem.​—Uk 9:22-41.