[mabalin a, Ti Dios ket Nagayat].

 Maysa kadagiti 70 a lallakay a pinili ni Moises a tumulong kenkuana a mangibaklay iti awit dagiti umili.  Gapu ta nagtanabutob dagiti naglalaok a bunggoy ken kasta met dagiti Israelita maipapan iti manna ken iti kaawan ti makan a karne, inyebkas ni Moises ti kaririknana a nakadagdagsen ti awit nga is-isuna laeng ti mangibakbaklay. Gapuna, ni Jehova binilinna ni Moises a mangummong iti 70 a lallakay ket iyegna ida iti tolda ti gimong. Nupay kasta, ti dua kadagitoy a lallakay a da Eldad ken Medad, saanda a napan iti tolda ti gimong no di ket nagtalinaedda iti pakarso, di pagduaduaan a maigapu iti nainkalintegan a rason. Idin nangala ni Jehova iti espiritu nga adda ken Moises ket inkabilna kadagiti lallakay; kalpasanna, nangrugida nga agipadto. Nagsaad met ti espiritu kada Eldad ken Medad, ket nangrugida a nagakem kas mammadto iti pakarso. Naipadamag daytoy ken Moises, ket idi a ni Josue, nga agim-imon maipaay ken Moises, kiniddawna a pawilan ida ni Moises, insungbat ni Moises: “Saan, tarigagayak nga amin a tattao ni Jehova mammadtoda, agsipud ta ikabil ni Jehova ti espirituna kadakuada!”​—Nu 11:13-29.