[nagtaud iti sao a kaipapananna ti “nalangto”; nalabit, Damo a Nalangto a Saringit ti Mulmula].

 Maysa a babai a ti sangakabbalayanna ti nangipadamag ken Pablo iti di panagtutunos nga adda iti kongregasion idiay Corinto. (1Co 1:11) Gapu ta saan a dinakamat ni Pablo iti suratna a ni Cloe ket maysa a Kristiano nga agnanaed idiay Corinto wenno idiay Efeso (a nakaaramidan ti surat) ken tinukoyna ti mismo a nagan daytoy a sangakabbalayan, nabatad a ti sumagmamano a miembro wenno ad-adipen dayta a pamilia ket Kristiano a pagaammo dagiti taga Corinto.