[Bimmingkurog a Banag [kayatna a sawen, maysa a nangato a disso]].

 Maysa nga ili iti tawid ti Juda (Jos 15:39); pagnanaedan ni Adaia nga ama ti ina ni Ari Josias. (2Ar 22:1) Yantangay nailista dayta iti nagbaetan ti Eglon ken Laquis, nabatad nga adda iti nababa a daga, wenno rehion ti Sefela. Di masigurado no sadino ti ayanna; kunaen ti dadduma nga isu dayta ti Dawaʼimeh (agdama-aldaw nga Amazya), agarup 19 km (12 mi) iti laud ti Hebron.