[Dagiti Managsangit].

 Disso a sadiay nagsao ti anghel ni Jehova iti sanguanan dagiti Israelita, a tinubngarna ida iti saanda a panangikankano iti pammakdaar ni Jehova maibusor iti pannakirelasion kadagiti pagano nga agnanaed iti daga. Gapu iti napasamak a panagsangit dagiti umili kalpasanna, ti lugar napanaganan iti Boquim. (Uk 2:1-5) Saan nga ammo ti ayan ti disso, ngem ti ebkas a “simmang-at . . . manipud Gilgal agingga iti Boquim” ipatuldona ti maysa a lugar iti laud ti Gilgal, a ti Gilgal nabatad nga adda iti nababa a ginget ti Jordan.