Ester 2:1-23
2 Kalpasan dagitoy a banag, idi a bimmaawen ti pungtot ni Ari Asuero,+ nalagipna ni Vasti+ ken ti inaramidna+ ken ti naikeddengen maibusor kenkuana.+
2 Idin kinuna dagiti agserserbi iti ari, dagiti ministrona:+ “Mangsapulda+ koma iti babbalasang, dagiti birhen,+ a napintas ti langada, maipaay iti ari,
3 ket ti ari mangdutok koma kadagiti komisionado iti amin a masaksakupan a distrito+ ti pagturayanna, ket ummongenda koma a sangsangkamaysa dagiti amin a babbalasang, dagiti birhen, a napintas ti langada, idiay Susan a kastilio,+ iti balay dagiti babbai iti aywan ni Hegai+ a eunuko ti ari,+ ti agay-aywan kadagiti babbai; ket adda koma panangipaay kadagiti masaheda.
4 Ket dayta balasang nga agparang a makaay-ayo kadagiti mata ti ari isunto ti agreyna imbes a ni Vasti.”+ Ket ti banag makaay-ayo idi kadagiti mata ti ari, ket inaramidna ti kasta.
5 Ti maysa a lalaki, maysa a Judio, adda idi idiay Susan+ a kastilio, ket ti naganna Mardokeo+ nga anak ni Jair nga anak ni Simei nga anak ni Kis a maysa a Benjaminita,+
6 a naidestiero+ manipud Jerusalem a kadua dagiti naibelleng a tattao a naidestiero a kadua ni Jeconias+ nga ari ti Juda nga indestiero ni Nabucodonosor+ nga ari ti Babilonia.
7 Ket isu idi ti agay-aywan+ ken Hadassa, awan sabali, ni Ester, ti anak a babai ti kabsat a lalaki ni amana,+ ta awanan idi iti ama wenno ina; ket ti balasang nalibnos idi ti pormana ken napintas ti langana,+ ket idi natay da amana ken inana isu innala ni Mardokeo kas anakna a babai.
8 Ket naaramid nga, idi a nangngegan ti sao ti ari ken ti lintegna, ken idi naummong a sangsangkamaysa ti adu a babbalasang idiay Susan+ a kastilio iti aywan ni Hegai,+ iti kasta naipan ni Ester iti balay ti ari iti aywan ni Hegai nga agay-aywan kadagiti babbai.
9 Ita ti balasang makaay-ayo idi kadagiti matana, iti kasta nakagun-od iti naayat a kinamanangngaasi+ iti sanguananna ket isu nagganat a mangipaay kenkuana kadagiti masahena+ ken iti maitutop a taraonna, ken mangipaay kenkuana iti pito a napili a babbalasang manipud iti balay ti ari, ket isu ken dagiti babbalasangna inyakarna iti kasayaatan a lugar iti balay dagiti babbai.
10 Saan nga imbaga ni Ester ti maipapan iti ilina+ wenno maipapan kadagiti kabagianna, ta ni met laeng Mardokeo impasdekna ti bilin kenkuana a saanna a rebbeng nga ibaga.+
11 Ket iti inaldaw-aldaw magmagna idi ni Mardokeo iti sanguanan ti paraangan ti balay dagiti babbai tapno ammuenna ti kasasaad ni Ester ken no ania ti maar-aramid kenkuana.
12 Ket idi dimteng ti batang ti tunggal balasang a sumrek a mapan ken Ari Asuero kalpasan a naaramid kenkuana ti maitunos iti alagaden dagiti babbai iti sangapulo ket dua a bulan, ta kasta idi ti in-inut a pannakatungpal dagiti aldaw ti pamay-an a pannakamasaheda, innem a bulan iti lana ti mirra+ ken innem a bulan iti lana ti balsamo+ ken kadagiti masahe dagiti babbai;
13 kalpasanna kadagitoy a kasasaad, ti met laeng balasang simrek a napan iti ari. Tunggal banag a dakamatenna maited kenkuana, tapno maipakuyog kenkuana manipud iti balay dagiti babbai agingga iti balay ti ari.+
14 Iti rabii isu simrek, ket iti bigat isu nagsubli iti maikadua a balay dagiti babbai iti aywan ni Saasgaz a eunuko ti ari,+ ti agay-aywan kadagiti kamalala. Saan a pulos sumreken a mapan iti ari malaksid no naragsakan kenkuana ti ari ken isu naayaban a nainaganan.+
15 Ket idi a ti batang ni Ester nga anak ni Abihail nga uliteg ni Mardokeo, a nangala kenkuana kas anakna a babai,+ dimteng tapno sumrek a mapan iti ari, saan a nagkiddaw iti aniaman+ malaksid iti dinakamat ni Hegai+ a eunuko ti ari, ti agay-aywan kadagiti babbai (bayat dayta nagtultuloy a nakagun-od ni Ester iti pabor kadagiti mata ti tunggal maysa a makakita kenkuana).+
16 Idin ni Ester naipan ken Ari Asuero idiay naarian a balayna iti maikasangapulo a bulan, awan sabali, ti bulan a Tebet, iti maikapito a tawen+ ti panagturayna.
17 Ket ti ari inayatna ni Ester nga ad-adda ngem iti amin a sabsabali a babbai, iti kasta isu nakagun-od iti ad-adu a pabor ken naayat a kinamanangngaasi iti sanguananna ngem iti amin a sabsabali a birhen.+ Ket insaadna iti ulona ti naarian a dalungdong ket pinagbalinna a reyna+ imbes a ni Vasti.
18 Ket ti ari nangangay iti dakkel a bangkete maipaay kadagiti amin a prinsipena ken ad-adipenna, ti bangkete ni Ester; ket nangipaay iti amnestia+ kadagiti masaksakupan a distrito, ket nagtultuloy a nangted kadagiti rangkap sigun iti kabalinan ti ari.
19 Ita idi a naummong a sangsangkamaysa dagiti birhen+ iti maikadua a daras, ni Mardokeo situtugaw idi iti ruangan ti ari.+
20 Saan nga imbagbaga ni Ester ti maipapan kadagiti kabagianna ken iti ilina,+ kas iti bilin nga impasdek kenkuana+ ni Mardokeo;+ ket tungtungpalen idi ni Ester ti sasao ni Mardokeo, a kas idi iti kaaddana iti sidong ti panangaywanna.+
21 Kadagidiay nga aldaw bayat a situtugaw ni Mardokeo iti ruangan ti ari, da Bigtan ken Teres, dua nga opisial ti palasio ti ari, agay-aywan iti ruangan, nagrurodda ket nagtultuloy nga inkagumaanda ti mangyunnat iti ima+ ken Ari Asuero.
22 Ket ti banag naammuan ni Mardokeo, ket dagus nga imbagana+ ken Ester a reyna. Kalpasanna insarita ni Ester iti ari iti nagan ni Mardokeo.+
23 Gapuna nasukimat ti banag ket iti kamaudiananna naduktalan, ket isuda a dua naibitayda+ iti kayo;+ a kalpasan dayta naisurat iti libro dagiti pasamak+ ti al-aldaw iti sanguanan ti ari.
