2 Juan 1:1-13
1 Ti lakay+ agpaay iti ina a napili+ ken iti annakna, isuda a pudno nga ay-ayatek,+ ket saan laeng a siak, no di ket amin met dagidiay nakaammo iti kinapudno,+
2 gapu iti kinapudno nga agtalinaed kadatayo,+ ket addanto kadatayo iti agnanayon.+
3 Addanto kadatayo ti di kaikarian a kinamanangngaasi,+ asi ken talna manipud iti Dios nga Ama+ ken manipud ken Jesu-Kristo nga Anak ti Ama, buyogen ti kinapudno ken ayat.+
4 Agrag-oak la unay agsipud ta nasarakak ti dadduma iti annakmo+ a magmagnada iti kinapudno,+ a kas iti inawattayo a bilin manipud iti Ama.+
5 Gapuna ita kiddawek kenka, ina, kas maysa a tao a mangisursurat kenka, saan nga iti maysa a baro a bilin,+ no di ket iti maysa nga adda kadatayo nanipud idi damo,+ nga ayatentayo ti maysa ken maysa.+
6 Ket daytoy ti kaipapanan ti ayat,+ nga agtultuloytayo a magna maitunos kadagiti bilinna.+ Isu daytoy ti bilin, a kas iti nangngegyo nanipud idi damo, a rebbeng nga agtultuloykayo a magna iti dayta.+
7 Ta adu a manangallilaw ti nakastrek ditoy lubong,+ tattao a saan a mangipudpudno ken Jesu-Kristo kas immay a naglasag.+ Isu daytoy ti manangallilaw+ ken ti antikristo.+
8 Siputanyo ti bagbagiyo, tapno saanyo a mapukaw ti bambanag nga intrabahomi a patauden, no di ket tapno makagun-odkayo koma iti naan-anay a gunggona.+
9 Tunggal maysa nga aggarasugas nga umun-una+ ken saan nga agtalinaed+ iti sursuro ti Kristo awan kenkuana ti Dios.+ Ti agtalinaed itoy a sursuro isu daydiay adda kenkuana agpadpada ti Ama ken ti Anak.+
10 No ti asinoman umay kadakayo ket saanna nga iyeg daytoy a sursuro, dikay pulos awaten kadagiti pagtaenganyo+ wenno sawen ti maysa a kablaaw kenkuana.+
11 Ta ti mangisao iti kablaaw kenkuana makiramraman iti nadangkes nga ar-aramidna.+
12 Nupay adu ti banag nga isuratko kadakayo, diak tarigagayan nga aramiden ti kasta babaen iti papel ken tinta,+ no di ket namnamaek ti umay kadakayo ken makisao kadakayo iti rupanrupa,+ tapno ti rag-oyo+ maan-anay koma.+
13 Ti annak ti kabsatmo a babai, daydiay napili, ipaw-itda dagiti kablaawda kenka.+
