Purgatoryo—Mabasa ba sa Bibliya?
Tubag sa Bibliya
Dili. Walay mabasa nga pulong “purgatoryo” sa Bibliya. Wala pod magtudlo ang Bibliya nga ang kalag sa mga namatay hinloan sa purgatoryo. a Konsideraha ang gitudlo sa Bibliya bahin sa sala ug kamatayon ug kon sa unsang paagi lahi kini sa doktrina sa purgatoryo.
Ang pagtuo sa giulang dugo ni Jesus, dili sa purgatoryo, maghinlo sa usa gikan sa sala. Ang Bibliya nag-ingon nga “ang dugo ni Jesus, nga . . . anak [sa Diyos], naghinlo kanato gikan sa tanang sala” ug nga si “Jesu-Cristo . . . nagpagawas kanato gikan sa atong mga sala pinaagi sa iyang dugo.” (1 Juan 1:7; Pinadayag 1:5, Ang Biblia, New Cebuano Version) Si Jesus naghatag sa “iyang kinabuhi ingon nga lukat alang sa daghan” aron mabayran ang ilang mga sala.—Mateo 20:28, NCV.
Ang mga patay wala nay nahibaloan. “Kay ang mga buhi nahibalo nga sila mamatay, apan ang patay walay nahibaloan.” (Ecclesiastes 9:5, NCV) Ang patay dili na mobatig bisan unsa. Busa dili na siya mahinloan sa bisan unsang kalayo sa purgatoryo.
Human sa kamatayon, wala nay silot para sa sala. Ang Bibliya nag-ingon nga “ang bayad sa sala kamatayon” ug “ang tanan nga namatay na gipagawas na gikan sa sala.” (Roma 6:7, 23, NCV) Ang kamatayon mao ang bug-os ug kataposang silot sa sala.
a Kon bahin sa purgatoryo, ang librong Orpheus: A General History of Religions nag-ingon nga “wala gyod ni hisgoti sa Ebanghelyo.” Sa susama, ang New Catholic Encyclopedia nag-ingon: “Sa ato pa, ang doktrina bahin sa purgatoryo sa Katoliko gibase sa tradisyon, dili sa Balaang Kasulatan.”—Second Edition, Tomo 11, panid 825.
b Tan-awa ang New Catholic Encyclopedia, Second Edition, Tomo 11, panid 824.
Basin Ganahan Pod Ka
PAGMATA!
Unsay Giingon sa Bibliya Bahin sa Kamatayon?
Unsay mahitabo dihang kita mamatay? May paglaom ba nga makauban nato pag-usab ang atong mga minahal nga nangamatay? Basaha ang makalipayng tubag sa Bibliya sa mga pangutana bahin sa kamatayon.
TUBAG SA MGA PANGUTANA BAHIN SA BIBLIYA
Unsa ang Kalag?
Naa ba kini sulod sa imong lawas? Padayon ba kining mabuhi human ka mamatay?
IMPORTANTENG GITUDLO SA BIBLIYA
Unsa ang Kahimtang sa mga Patay?
Nagsaad ang Bibliya nga moabot ang panahon nga daghan ang banhawon, sama sa nahitabo kang Lazaro.
TUBAG SA MGA PANGUTANA BAHIN SA BIBLIYA
Si Jesus Nagluwas Kanato—Sa Unsang Paagi?
Nganong kinahanglang mangamuyo si Jesus alang kanato? Igo na ba ang pagtuo kang Jesus aron maluwas?
TUBAG SA MGA PANGUTANA BAHIN SA BIBLIYA
Unsa ang Pagkabanhaw?
Lagmit masorpresa ka kon kinsay banhawon.
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.