Amasuko ku Mepusho ya mu Baibolo
Bushe kuti twaishiba icine pali Lesa?
Cinshi Lesa afwaila ukuti twishibe icine? Belengeni Yohane 17:3
Lesa kale abomfeshe umupashi wakwe uwa mushilo, nangu amaka ayabomba, pa kulanda na bantu pa kuti balembe Baibolo. (2 Petro 1:20, 21) Kuti twaishiba icine pali Lesa nga ca kuti tulebelenga Baibolo.—Belengeni Yohane 17:17; 2 Timote 3:16.
Lesa alitweba ifintu ifingi pali ena muli Baibolo. Alitweba ico abumbiile abantu, ifyo akatucitila ku ntanshi, e lyo ne fyo afwaya tuleikala. (Imilimo 17:24-27) Yehova Lesa afwaya twamwishiba bwino.—Belengeni 1 Timote 2:3, 4.
Cinshi Lesa afwaila abantu bamwishiba bwino?
Yehova ni Lesa wa cine, kabili atumine Umwana wakwe Yesu pa kuti asambilishe abantu icine. E ico bonse abafwaya ukwishiba icine balitemwa Yesu. (Yohane 18:37) Lesa afwaya ukuti abantu abatemwa icine balemupepa.—Belengeni Yohane 4:23, 24.
Satana alalanda ifintu ifingi ifya bufi pali Lesa pa kuti abantu abengi belapepa Lesa. (2 Abena Korinti 4:3, 4) Abantu abashatemwa ubusuma balitemwa ubu ubufi Satana abepesha Lesa. (Abena Roma 1:25) Na lyo line, abantu abengi balasambilila Baibolo pa kuti beshibe icine pali Lesa.—Belengeni Imilimo 17:11.
Nalimo Kuti Mwatemwako ne fi
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
