Sefania 3:1-20
3 We bulanda ku musumba+ umwaba bacipondoka, uwakowela kabili umwaba umutitikisha!
2 Abekala muli uyu musumba tabomfwila nangu umo,+ tabomfwa nga babasalapula.+
Tabacetekela Yehova;+ kabili tabapalama kuli Lesa wabo.+
3 Bacilolo babo ni nkalamo ishibuluma mu kati ka musumba.+
Bakapingula babo mimbulu iilunga ubushiku;Ulucelo talufika ninshi naipwisha ukukokota amafupa.
4 Bakasesema babo ba musaalula, ba bucenjeshi.+
Bashimapepo babo balakowesha ifya mushilo;+Balisuula amafunde.+
5 Lelo Yehova alilungama kabili ekala mu musumba wabo;+ tacita icishalungama.
Nga filya fine akasuba katula cila bushiku,+E fyo alenga baishiba ubupingushi bwakwe cila lucelo.
Nomba abashalungama tabomfwa insoni.+
6 “Nalyonawile inko; impungu shabo isha pa makoona shashele ifibolya.
Nalyonawile imisebo yabo, ica kuti takwali uwalepitamo.
Imisumba yabo yalibongolwelwe, ica kuti tamwashele umuntu, kabili tamwali uwaleikalamo.+
7 Natile, ‘Nangu cibe shani mukalantiina kabili mukalaumfwa nga namusalapula,’*+
Pa kuti icalo cabo cikonaika+—Mfwile ukubapingula* pali ifi fyonse.
Lelo e lyo bacililemo ukucita ifyabipa.+
8 Yehova atila, ‘E ico mulenjenekela,*+Mpaka ubushiku nkesa mu kupoka ifintu,*Pantu nalipingula ukuti mfwile ukulonganika inko, mfwile ukulonganika amabufumu,Mfwile ukubapongolwela icipyu candi, no bukali bwandi bonse;+Pantu ubukali bwandi ubwaba ngo mulilo bukonaula isonde lyonse.+
9 Pantu pali ilya nshita nkaalula ululimi lwa nko ishingi, lukabe ululimi lwine lwine,Pa kuti bonse bengalilila kwi shina lya kwa Yehova,Na pa kuti balemubombela pamo.’*+
10 Abantu bandi abampaapaata, abasalangana,Bakandetela ifya bupe ukufuma ku citungu ca mimana ya ku Etiopia.+
11 Pali bulya bushiku tamwakomfwe nsoniPa fyabipa fyonse ifyo mwacitile pa kumpondokela,+Pantu pali bulya bushiku abantu ababa ne cilumba nkabafumya pali imwe;Kabili tamwakabale amuba ne cilumba na kabili mu lupili lwandi ulwa mushilo.+
12 Pali imwe nkashapo fye abantu abaicefya kabili abafuuka,+Kabili bakooba mwi shina lya kwa Yehova.
13 Abakashalapo pali Israele,+ tabakalecita ifishalungama;+Tabakalebepa nelyo ukubomfya ululimi lwabo ku kubeleleka abantu;Bakalalya, bakalalambalala kabili takwakabe nangu umo uukalabatiinya.”+
14 Aula no kusekelela, we mwana mwanakashi Sione!
Aula no kusekelela, we Israele!+
Sekelela kabili anga no mutima onse, we mwana mwanakashi Yerusalemu!+
15 Yehova naleka ukumukanda.+
Natamfya abalwani benu.+
Yehova imfumu ya Israele, ali na imwe.+
Tamwakasakamikwe ukuti mukaba na macushi na kabili.+
16 Pali bulya bushiku Yerusalemu akomfwa amashiwi ya kuti:
“Witiina, we Sione.+
Wileka amaboko yobe yatompoke.
17 Yehova Lesa obe ali na iwe.+
Apo wa maka, akakupususha.
Akaanga pali iwe kabili akasekelela nga nshi.+
Akaba tondolo pantu akomfwa bwino pa fyo akakulanga ukutemwa.
Akasekelela pali iwe kabili akaula utupundu.
18 Nkalonganya abali no bulanda pa mulandu wa kuti tabaalebako ku mitebeto yobe;+Tabaaleba na iwe pantu ilyo bali bankole abantu balebaseka.+
19 Mona! Pali ilya nshita nkalenga ifintu fikabipile abakutitikisha;+Kabili nkapususha uusunta,+Nkalonganika abasalangana.+
Nkalenga abantu bakalebalumbanya kabili bakalumbuka*Mu calo conse umo baseebene.
20 Pali ilya nshita nkamubwesha,Pali ilya nshita nkamulonganika.
Pantu nkalenga mukalumbuke* kabili inko shonse isha mwi sonde shikalamulumbanya,+Ilyo nkabwesha abali bankole mukabamona,” e fyo Yehova alanda.+
