Amose 1:1-15
1 Aya mashiwi ya kwa Amose* uwali pa baleteka impaanga ku Tekoa.+ Aya mashiwi yali mu cimonwa ico amwene pali Israele mu nshiku sha kwa Usia imfumu+ ya baYuda, na mu nshiku sha kwa Yeroboamu+ umwana wa kwa Yoashi,+ imfumu ya bena Israele. Ici cimonwa acimwene imyaka ibili ilyo kushilaba icinkukuma.+
2 Atile:
“Yehova akabuluma mu Sione,Akemya ne shiwi lyakwe mu Yerusalemu.
Ne mpanga sha mulemfwe isha bacemi shikaloosha,Na fyonse ifyaba pa muulu wa Karmele fikooma.”+
3 “Yehova atila,‘“Nshakaalule ifyo napingula abena Damaseke pa milandu* itatu na pa milandu 4 iyo bacitile,Na pa fyo balepuma abena Gileadi kwati ni filya bapuma ingano ku fya kupuminako ifya fyela.+
4 E ico nkatuma umulilo pa ng’anda ya kwa Hasaele,+Na o ukoca amayanda ya kwa Ben-hadadi+ aya malinga ayakosa.
5 Nkakontola imipindo ya pa mpongolo ya musumba wa Damaseke;+Nkalofya abekashi ba mu Bikati-abeniE lyo no uteka* mu Bet-edene;Kabili abena Siria bakabasenda bunkole ku Kiri,”+ e fyo Yehova alanda.’
6 Yehova atila,‘“Nshakaalule ubupingushi bwandi pa milandu* itatu na pa milandu 4 iyo abena Gasa+ bacitile,Pantu basendele bankole bonse+ no kubapeela ku bena Edomu.
7 E ico nkatuma umulilo pe linga lya Gasa,+Na o ukoca amayanda ya malinga ayakosa.
8 Nkalofya abekashi ba mu Ashidode,+Na kateka* wa mu Ashkelone;+Nkabwesesha no kuboko kwandi pali Ekrone,+Na baPelishiti abashalapo nkabalofya,”+ e fyo Shikulu Mulopwe Yehova alanda.’
9 Yehova atila,‘Pa milandu* itatu na pa milandu 4 iyo abena Turi+ bacitile, nshakaalule ubupingushi bwandi,Pantu bapeele bankole bonse ku bena Edomu,Kabili balilabile icipangano ca bwananyina.+
10 E ico nkatuma umulilo pe linga lya musumba wa Turi,Na o ukoca amayanda ya malinga ayakosa.’+
11 Yehova atila,‘Pa milandu* itatu na pa milandu 4 iyo abena Edomu+ bacitile, nshakaalule ubupingushi bwandi,Pantu balekonka bamunyinabo no lupanga,+Kabili tabalebomfwila uluse;Balikalipe ica kuti balesantaula bamunyinabo,Kabili balitwalilile ukuba ne cipyu kuli bena.+
12 E ico nkatuma umulilo mu Temani,+Na o ukoca amayanda ya malinga yakosa aya mu Bosera.’+
13 Yehova atila,‘“Pa milandu* itatu na pa milandu 4 iyo abena Amoni+ bacitile, nshakaalule ubupingushi bwandi,Pantu balelepula amafumo ya banakashi abena Gileadi abaimita pa kuti bakushe imipaka yabo.+
14 Nkatuma umulilo pe linga lya Raba,+Kabili ukoca amayanda ya malinga ayakosa,Ilyo abashilika bakasansa umusumba, kukaba icongo ca nkondo,Kabili kukaba icipuupu ca mwela icikalamba.
15 Kabili imfumu yabo bakaisenda bunkole, pamo na bacilolo ba iko,”+ e fyo Yehova alanda.’
