Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Abapingushi 14:1-20

14  Na Samsone aile ku Timuna+ no kumona umwanakashi mu Timuna uwa mu bana banakashi aba baPelishiti.  Awe aliile no kuyaeba wishi na nyina no kutila: “Kuli umwanakashi uo mwene mu Timuna uwa mu bana banakashi ba baPelishiti, nomba mumbuulile uyu wine ukuti abe umukashi wandi.”+  Lelo wishi na nyina bamwebele ati: “Bushe tapali umwanakashi pa bana banakashi ba bamunonko na pa bantu bandi bonse,+ pa kuti uye ku kubuula umukashi pa baPelishiti abashasembululwa?”+ Lelo Samsone atile kuli wishi: “Mbuulileni fye uyu wine, pantu e o ntemenwe.”  Wishi na nyina bena tabaishibe ukuti ici cafumine kuli Yehova,+ ukuti alefwaya apa kulwila na baPelishiti, pantu ilya nshita abaPelishiti e baleteka abena Israele.+  Awe Samsone aile ku Timuna+ pamo na wishi na nyina. Ilyo afikile mu mabala ya myangashi aya mu Timuna, moneni! umusepela wa nkalamo walimubulumine pa kumukumanya.  E lyo umupashi wa kwa Yehova waishile pali ena,+ ica kuti alepwile umusepela wa nkalamo pa kati, nga filya fine umuntu alepula umwana wa mbushi, kabili takwete nangu cimo mu minwe yakwe. Lelo taebeleko wishi nelyo nyina ico acitile.  Kabili alikonkenyepo ukwenda no kutendeka ukulanda no mwanakashi; kabili umwanakashi ali fye bwino mu menso ya kwa Samsone.+  Nomba ilyo papitile inshita alibwelele pa kuti amusende ku mwakwe.+ E lyo apaaswike ku kuyamona pa citumbi ca nkalamo, kabili mwali inshimu ishingi mu citumbi ca nkalamo, no buci.+  E ico alibufumishe, aya alelya.+ Ilyo asangile wishi na nyina, bwangu bwangu alibapeeleko, na bo batendeke ukulya. Kabili tabebele ukuti ni mu citumbi ca nkalamo akompwele ubuci. 10  Kabili wishi aile kuli uyu mwanakashi, kabili Samsone acitile umutebeto kulya kwine;+ pantu e fyo abalumendo balecita. 11  Nomba, ilyo bamumwene, babuulile lilya line inshindishi amakumi yatatu (30), pa kuti shibe nankwe. 12  E lyo Samsone abebele ati: “Lekeni imupike ubwile.+ Nga mwanjilwila mu nshiku cinelubali (7)+ isha mutebeto no kubupikulula, ninshi nkamupeela ifya kufwala fya mu kati amakumi yatatu (30) ne fya kufwala amakumi yatatu.+ 13  Lelo nga mwafilwa ukunjilwila, imwe mukampeela ifya kufwala fya mu kati amakumi yatatu (30) ne fya kufwala amakumi yatatu.” E lyo bamwebele ati: “Ale pika ubwile, kabili leka tubuumfwe.” 14  E ico abebele ati:“Mu cintu icilya+ mwafumine ifya kulya,Kabili mu cakosa mwafumine icalowa.”+ Awe bafililwe ukwilula ubwile pa nshiku shitatu. 15  Nomba pa bushiku bwalenga shine batendeke ukusosa ku mukashi wa kwa Samsone abati: “Sembeleka umulume obe pa kuti atwilwile ubwile.+ Nga te ifyo tulekoca mu mulilo pamo na ba mu ng’anda ya kwa wiso.+ Bushe ni pa mulandu wa kufwaya ukusenda ifyuma+ fyesu e co mwatwitile kuno?” 16  E ico umukashi wa kwa Samsone atendeke ukulila+ no kulamweba ati: “Awe walimpata fye, walimpata, kabili tawantemwa.+ Walipikile ubwile ku bana ba bantu bandi,+ lelo ine tawanjebako.” E lyo amwebele ati: “Umfwa, tata na mayo nshabeba,+ bushe iwe niwe njebe?” 17  Lelo atwalilile ukumulilila inshiku cinelubali (7) ilyo kwali umutebeto, kabili pa bushiku bwalenga cinelubali asukile amwilwila, pantu alimupatikishe.+ Umwanakashi na o ailelondolwela abana ba bantu bakwe ubu bwile.+ 18  E ico pa bushiku bwalenga cinelubali (7) ilyo ashilaingila mu muputule wa mu kati abaume ba mu musumba bamwebele abati:+“Bushe cinshi calowa ukucila ubuci,Kabili cinshi cakosa ukucila inkalamo?”+E lyo abebele ati:“Amubulalimina ku kaombe kandi akakota,+Nga tamwilwile ubwile bwandi.”+ 19  Kabili umupashi wa kwa Yehova waishile pali ena,+ ica kuti aile ku Ashkelone+ no kwipaya abaume babo amakumi yatatu (30) no kusenda ifya kufwala ifyo abafuulile no kupeela ifi ifya kufwala ku bailwile ubwile.+ Awe ena ali fye no bukali, kabili e fyo aile no kuya ku ng’anda kuli wishi. 20  Kabili umukashi+ wa kwa Samsone aishileba uwa nshindishi+ yakwe.

Amafutunoti