Job 37:1-24
37 “Kaya nagkukurab-kutab an sakong pusoAsin nagkukuba-kuba an daghan ko.
2 Magdangog kamong marhay sa urog-udog kan saiyang bosesAsin sa daguldol na minaluwas sa saiyang nguso.
3 Binubutasan niya iyan sa sirong kan enterong kalangitanAsin isinusubol an saiyang kikilat+ sagkod sa mga puro kan daga.
4 Pagkatapos kaiyan, madadangog an nagraragubrob na tanog;Nagpapadaguldol siya paagi sa saiyang kahanga-hangang boses,+Asin padagos an pagkikilat mantang nadadangog an saiyang boses.
5 An Diyos nagpapadaguldol kan saiyang boses+ sa makangangalas na paagi;Naggigibo siya nin pambihirang mga bagay na dai ta kayang sabuton.+
6 Huli ta sinasabi niya sa niyebe, ‘Mahulog ka sa daga,’+
Asin sa uran, ‘Umuran ka nin makusog.’+
7 Pinapapundo nin Diyos an gabos na aktibidad kan tawo*Tanganing maaraman kan lambang tawong mortal an Saiyang gibo.
8 An mga layas na hayop naglalaog sa saindang mga lungibAsin nagdadanay diyan.
9 An makusog na alipuros minahuyop hali sa kuwarto kaiyan,+Asin nagdadara nin lipot an duros hali sa norte.+
10 Paagi sa hinangos nin Diyos, nagkakaigwa nin yelo,+Asin an mahiwas na katubigan nagigin matagas na yelo.+
11 Iyo, pinapagabat niya an mga panganuron paagi sa mga tagdo nin tubig;Iwinawarak niya sa mga panganuron an saiyang mga kikilat;+
12 Nagpapaitok-itok an mga iyan sain man niya iyan padumanon;Ginigibo kan mga iyan an ano man na isugo niya+ sa ibabaw kan iniistaran na daga.*
13 Iyan man para magpadusa*+ o para sa ikakarahay kan dagaO para magpahiling nin maimbod na pagkamuot, pinapangyari niya iyan.+
14 Magdangog ka digdi, Job;Magpundo ka nguna asin pag-isipan mong marhay an makangangalas na mga gibo nin Diyos.+
15 Aram mo kun paano kinokontrol* nin Diyos an mga panganuronAsin kun paano niya pinapasilyab an kikilat hali sa saiyang panganuron?
16 Aram mo kun paano an mga panganuron naglalataw-lataw sa kalangitan?+
Iyan an makangangalas na mga gibo kan Saro na perpekto sa kaaraman.+
17 Taano ta nagigin mainit an sulot moPag kalmado an daga dahil sa duros hali sa timog?+
18 Kaya mo daw ibiklad* an kalangitan+Na magin kasingtagas nin salming na metal arog kan ginigibo niya?
19 Sabihon mo samo kun ano an dapat ming sabihon saiya;Dai kami makakasimbag dahil nasa diklom kami.
20 Dapat daw siyang sabihan na gusto kong makipag-ulay saiya?
O may sinabi daw an siisay man na dapat ipaabot saiya?+
21 Dai ngani ninda nahihiling an liwanag,*Maski maliwanag an langit,Apuwera na sana kun magduros asin ipadpad an mga panganuron.
22 Hali sa norte mahihiling an bulawan na liwanag;An kamurawayan nin Diyos+ kahanga-hanga.
23 Dai ta kayang sabuton nin lubos an Makakamhan sa Gabos;+Makusugon an saiyang kapangyarihan,+Asin dai niya nuarin man binibiribid an saiyang hustisya+ asin an saiyang abundang katanusan.+
24 Kaya, dapat na magkaigwa nin pagkatakot sa saiya an mga tawo.+
Huli ta dai niya pinapahilingan nin pabor an siisay man na nag-iisip na sinda madunong.”*+
