Job 24:1-25
24 “Taano ta dai nagtalaan nin panahon an Makakamhan sa Gabos?+
Taano ta dai nahihiling kan mga nakakabisto saiya an aldaw niya?*
2 Hinihiro kan mga tawo an mga muhon;+Naghahabon sinda nin mga karnero para darahon sa saindang sadiring pasabsaban.
3 Inaalaw ninda an asno kan mga aki na mayo nang amaAsin kinukua an torong baka kan babaying balo bilang panggarantiya* sa utang.+
4 Dai ninda pinapaagi sa tinampo an mga pobre;An mga tawo na daing kalaban-laban kaipuhan na magtago sa sainda.+
5 An mga pobre naghahanap nin kakanon siring sa mga layas na asno+ sa kaawagan;Naghahanap sinda nin kakanon sa disyerto para sa saindang mga aki.
6 Kaipuhan nindang makiani sa uma nin iba*Asin mangua nin tada-tada sa ubasan kan mga maraot.
7 Nagpapalihis sinda nin banggi na huba, mayo nin bado;+Mayo sinda nin maitamong pag malipot.
8 Narurupit sinda nin uran sa bukid;Nagpapahipli sinda sa darakulang gapo ta mayo sindang masirungan.
9 An aki na mayo nang ama inaagaw sa suso kan saiyang ina;+Asin an mga bado kan mga pobre kinukua bilang panggarantiya sa utang,+
10 Kaya napipiritan sindang maglakaw na huba, mayo nin bado,Asin gutom, mantang nagdadara sinda nin mga binugkos na uhoy nin tipasi.
11 Sa kainitan kan aldaw, nagtatrabaho sinda* sa mga tanuman na nasa tangga-tanggang bakilid na may riprap;Nagtitimak-timak sinda nin ubas sa mga pugaan kaiyan, pero napapaha sinda.+
12 Nag-aagrangay sa siyudad an mga naghihingagdan;Naghahagad nin tabang an mga nalugadan nin grabe,*+Pero an Diyos mayong nahihiling diyan na sala.*
13 Igwa nin mga nagrerebelde tumang sa liwanag;+Dai ninda minimidbid an mga dalan kaiyan,Asin dai sinda naglalakaw diyan.
14 An paragadan amay na minabangon;Ginagadan niya an mga daing kalaban-laban asin an mga pobre,+Asin sa banggi naghahabon siya.
15 An mata kan parasambay naghahalat na magdiklom,+Asin nagsasabi, ‘Mayong makakahiling sako!’+
Asin tinatahuban niya an saiyang lalawgon.
16 Pag banggi linalaog ninda an* mga harong;Pag aldaw dai sinda nagluluwas.
Linilikayan ninda an liwanag.+
17 Huli ta para sa sainda, an aga kapareho nin mahibog na kadikluman;Aram ninda kun ano an mga kinakatakutan sa kadikluman.
18 Pero marikas sana sindang inaanod nin tubig.*
An saindang daga susumpaon.+
Dai sinda mabalik sa saindang mga ubasan.
19 Kun paanong kinukua kan tigmara asin init an natunaw na niyebe,Kinukua man kan Lubungan* an mga nagkasala!+
20 Lilingawan siya kan saiyang ina;* pagpipiyestahan siya kan mga ulod.
Dai na siya magigirumduman pa.+
Asin an mga bakong matanos papaludon na garo puon nin kahoy.
21 Binibiktima niya an babaying baogAsin minamaltrato an babaying balo.
22 Gagamiton nin Diyos* an saiyang kusog para laglagon an mga makapangyarihan;Maski pa magi sindang asensado, an saindang buhay mayong kasiguraduhan.
23 Pinapabayaan nin Diyos* na magi sindang kampante asin matiwasay,+Alagad an saiyang mga mata nagmamasid sa gabos na ginigibo ninda.*+
24 Nagigin halangkaw sinda nin dikit na panahon, pero pagkatapos sinda nawawara na.+
Garo sinda mga uhoy na puputulon+ asin titipunon;Ibababa sinda asin magagadan kapareho kan gabos na iba pa.
25 Ngunyan siisay an makakapagpatunay na ako putikonO makakasabi na sala ako?”
Mga Nota
^ An buot sabihon, an saiyang aldaw nin paghukom.
^ O “paniguro.”
^ O posibleng “magkua nin sakati sa uma.”
^ O posibleng “Nagpupuga sinda nin oliba para makua an lana kaini.”
^ O “an mga kalag kan mga nalugadan.”
^ O posibleng “an Diyos dai pinapanimbag an siisay man.”
^ Sa literal, “nagkakalot siya palaog sa.”
^ Sa literal, “Marikas siya sa ibabaw kan mga tubig.”
^ Sa literal, “kan matris.”
^ Sa literal, “niya.”
^ Sa literal, “niya.”
^ Sa literal, “sa mga dalan ninda.”
