Job 19:1-29
19 Nagsimbag si Job:
2 “Sagkod nuarin nindo ako uuyamon*+Asin rurunuton kan saindong mga tataramon?+
3 Sampulong beses na nindo akong pig-insulto;*Dai kamo nasusupog sa daing hirak na pagtrato nindo sa sako.+
4 Asin kun talagang nakagibo ako nin sala,Ako an maninimbag para diyan.
5 Kun ipipirit nindo na mas nakakalabi kamo sa sakoAsin maninigo sa sako an kasusupgan na inaagihan ko,
6 Dapat nindong maaraman na an Diyos an naglagalag sa sako,Asin dinakop niya ako sa saiyang hikot.
7 Hilinga! Nagpaparakurahaw ako, ‘Kadahasan!’ pero mayo nin nagsisimbag;+Nagpaparakurahaw ako para maghagad nin tabang, pero mayo nin hustisya.+
8 Inulangan niya nin pader na gapo an sakong agihan, asin dai ako nakakaagi;Tinahuban niya nin kadikluman an sakong mga dalan.+
9 Hinalian niya ako nin kamurawayanAsin tinanggal an korona sa sakong payo.
10 Rinaraot niya an buhay ko sagkod na ako mapara;Ginagabot niya na garo puon nin kahoy an sakuyang paglaom.
11 Naglalaad an saiyang kaanggutan sa sako,Asin ibinibilang niya ako na saiyang kaiwal.+
12 Nagtitiripon an saiyang mga hukbo saka sinasalikupan ako,Asin nagkakampo sinda sa palibot kan tolda ko.
13 Pinarayo niya sa sako an sadiri kong mga tugang,Asin tinalikdan ako kan mga nakakabisto sako.+
14 Mayo na an mga dayupot kong kairiba,*Asin nalingawan na ako kan sakong mga amigo.+
15 An mga bisita sa sakong harong+ saka an mga uripon kong babayi ibinibilang akong estranghero;Saro akong dayuhan sa saindang paghiling.
16 Inaapod ko an sakong suruguon pero dai siya nagsisimbag,Maski pa ngani nakikimahirak na ako sa saiya.
17 An sako mismong hangaw nagin makababaldi sa sakong agom,+Asin nagin mabata ako sa sadiri kong mga tugang.*
18 Pati an mga saradit na aki hinahamak ako;Pag nagtitindog ako, pigkakantiyawan ninda ako.
19 Ikinakauyam ako kan gabos kong dayupot na amigo,+Asin tinalikdan ako kan mga namumutan ko.+
20 Hiling-hiling na an sakong mga tulang,*+Asin dikit-dikitan na akong magadan.*
21 Mahirak kamo sako, mga kairiba ko, mahirak kamo sako,Huli ta mismong kamot nin Diyos an naghampak sa sako.+
22 Ano ta padagos nindo akong pinapasakitan arog kan ginigibo nin Diyos,+Asin dai kamong pundo sa pagsalakay sa sako?*+
23 Kun puwede lang kutang isurat an mga tataramon ko,Kun puwede lang kutang ilaag an mga iyan sa sarong libro!
24 Maiukit man lugod an mga iyan sagkod lamang sa dakulang gapo,Gamit an sarong lansang* na pansurat asin timga!
25 Huli ta aram na aram ko na buhay an sakong paratubos;*+Maabot siya pag-abot nin panahon asin matindog sa ibabaw kan daga.*
26 Pagkatapos na rauton nin hilang an sakong kublit,Mantang buhay pa ako, mahihiling ko an Diyos,
27 Mahihiling ko mismo siya,Mahihiling siya kan sadiri kong mga mata, bako kan iba.+
Pero an totoo, biyo na akong maluluya!*
28 Huli ta sinasabi nindo, ‘Paano man nasabi na pinapasakitan ta siya?’+
Na garo baga ako an dahilan kan problema.
29 Matakot kamo sa espada,+Huli ta an espada an nagpapadusa sa mga nagkakasala;Tandaan nindo na igwa nin hukom.”+
Mga Nota
^ O “pigsaway.”
^ O “an mga paryente ko.”
^ Sa literal, “sa mga aking lalaki kan sakuyang matris,” an buot sabihon, an matris na nagdara sa sako (an matris kan sakong ina).
^ O “Kublit saka tulang na lang ako.”
^ Sa literal, “Asin nakakadulag ako dara an kublit kan sakong mga ngipon.”
^ Sa literal, “Asin dai kamo nakokontento sa laman ko?”
^ O “batbat.”
^ O “parabalukat.”
^ Sa literal, “alpog.”
^ O “Dai na kinaya kan sakong mga bato.”
