Kunndɛ aɲia’n i yowlɛ ng’ɔ o koko’n

Sran ngba kwla trɛn i bo • Be yiman cɛlɛ

 Aɲia’n i bo ndɛ cinnjin mun

Ya cɛn’n: É wá wún ndɛ nga Biblu’n kan m’ɔ kle kɛ Ɲanmiɛn nin i Wa Zezi be kunndɛ kɛ a di aklunjɔɛ’n.

Fue cɛn’n: É fá e ɲin síe i ndɛ nga Zezi kɛnnin i oka’n su’n i su yɛ i sɔ’n úka e naan y’a wun like ng’ɔ fata kɛ e yo naan y’a di aklunjɔɛ m’ɔ wieman le’n.

Mɔnnɛn cɛn’n: Kɛ bé yíyí ndɛ ng’ɔ suan “?Amun wunnin aɲanbeun like’n?” nun’n é wún wafa nga Biblu’n nun ndɛ nanwlɛ’n yoli maan sran miliɔn kpanngban be di aklunjɔɛ tra laa’n.

Flimun

Zezi i su ndɛ’n: Akpasua 4, 5 nin 6

Nian wafa nga Zezi kleli sran kpanngban be like m’ɔ yoli tukpacifuɛ’m be juejue yɛ ɔ cɛnnin sran wie mɔ be wuli’n. É wá nían Zezi i su flimun sɔ m’ɔ wla fanngan’n aɲia’n i cɛn ba nsan’m be nun. Cɛn kun é nían akpasua kun.

Kɔ jw.org su ko nian e nvle kun aɲia’n i siesielɛ fluwa’n yɛ nian video nga mun:

?Ngue yɛ e yo i e nvle kun aɲia’m be bo-ɔ?

Nian like nga be yo i Zoova i Lalofuɛ’m be nvle kun aɲia’m be bo’n.

Nian like nga é wá wún i afuɛ’n nvle kun aɲia’n i bo’n i kan.

?Wafa sɛ yɛ Zezi fali ninnge ng’ɔ si be yo’n yoli sran’m be ye-ɔ?

Nian akpasua nga be fiteli e nvle kun aɲia nga be sinnin’n be bo’n