Taʼ mo ye o khoung é téʼ a le fe pfu a ? Ne taʼ tam tchuôtuô paʼ ye bô a o fing ne hente ge : Ke tchyete tchwe ye pe pfu a ? Pe fing ne pyap ne laʼ bing djô pô pye wap pfu bi pe a ? Tchum jiʼte yeng ba ye a dze a, yô mpaʼ Bible mye a ha juete a, ne mhente menge.

1. Ke tchyete tchwe ye pe pfu a ?

Yéso le tchouʼgne vu ne taʼ lwôk gwye. Taʼ mo ye é bo di téʼ a, te jye sômywe ne potse tsye a bo tchyete beng é a pe. Vu be paʼ lwôk a m tchi ge ke ? Tchwe ye taʼ mo tsèm pfu a, é te djouʼ tchwepoung pe. É te djouʼ ne é do é pe, ba m be ye é ke khoung mso pye ba toundye é téʼ a. Bible gôm ge “pô pye wap pfu a te jye sômywe pe”.—Ké Ékléziaste 9:5.

2. Ne jye nyenyô ne vu fing ne kwite wôkpe m tchi ge ke ?

Medou pô bwôk vu neng be bwôk ba pô pye wap pfu a ! Daʼge ywe ye Bible gôm ne vu a fing ne juete o. Yéso le ghôm ge : “nyenyô gô ghe po le pe mkwô pe.” (Yohané 8:32) She mtchôsi jiʼte ge tchwe ye mo pfu a, taʼ ywe them ne é bing bvôk, daʼge a te be ywe ye Bible jiʼte a pe. Poʼo, sômmo te djô goʼ tchwe ye é tsèm pfu a pe. Mouʼ ywe bing be ge, paʼ pô pye wap pfu a te jye sômywe a pe, wap ka fing ne ghe sômywe tchwepoung ne pe. Poʼo, a te kwite m sômywe ge pe ghamte pô pye wap pfu a pe, ke gre potse ne ne tcheng ge ka wap yèloung ne pe a le. A te neng kwite m sômywe ge pou ghe priya ne yap tse pe.

She pô gôm ge wap fing ne ghômte pou a pô pye wap pfu a. Daʼge sômmo ka fing ne ghe ya. Paʼ pe dje bo te dagne a “pô pye wap pfu a te jye sômywe pe.” Pô pye wap kwè ge wap bo gômte pou a pô pap pye wap pfu a, bo gômte poʼo pou a mjwégne tchwepoung pye wap tcheng ge pou kwè ge, wap be pô pye wap pfu a. Poʼo, ne jye nyenyô ne vu bômte wôkpe ne mjwégne tchwepoung. Jéova gôm ge pe pôm ne tcheng ne ghômte pou a pô pye wap pfu a, nekele é jye ge ne pe ne ywe pou a mjwégne tchwepoung gô ghe ywe tchwepoung ne pe.—Ké Bate mtchoʼ 18:10-12.

3. Lagne nyenyô ne tchi paʼ pô pye wap pfu a ne be a

Tchum goung dzu awè, pômneng be wap ghe tchitchi potse tyse wap kwè ne ywe ye a tchyete tchwe ye mo pfu a. Nyenyô be ge, goung mkwègne bô ka fing ne pe nyenyô awè pe.

• Ne pap tsuʼ ye o tchwe ne a pômneng kwè ge pô pye wap pfu a be m ge ke ?

 4. Nyenyô ne vu gre ge pe tsu pé

Ne jye nyenyô ne vu gre ge pe le ping bwôk pô pye wap pfu a. Ké Ékléziaste 9:10, neng gômte ne hente yenge :

• Pô pye wap pfu a fing ne ghe ywe tchwepoung ne pe a ?

Nyenyô Bible bing bômte wôkpe ne tchwanwe ye a be ge, pe gô ghamte pô pye wap pfu a, ba ge pe gô ghe potse ne ne gre ge wap ke yèloung a. Ké Izaya 8:19 ba Apokalipse 4:11, neng gômte ne hente yenge :

• O kwè ge Jéova sè ge ke ne taʼ mo ye é gamte mo ye é tsèm pfu a, ke be tcheng kwite m bii a le ?

5. Nyenyô ne vu juete wôkpe

Medou pô be wap lagne ge tchwe ye wap gô pfu a, pou gô pôgnesi yap dou ne potse tchwepoung tsye wap le ghe a. Daʼge a ha juete bi pe ne jye ge sômmo te djô goʼ tchwe ye é pfu a pe—ba taʼ mo ye é le ghe potse be a pôk téʼ a. Ké Roma 6:7, neng gômte ne hente yenge :

• Bible gôm ge tchwe ye mo pfu a, é te dje kwô mhô pe. Poʼo, o kwè ge taʼ mo ye é tsèm pfu a bo djô goʼ dou ne potse tchwepoung tsye é le ghe a ?

Tchwe ye pe dagne ne jye Jéova ne gô a dze a, pe bing tchente djô ge é ka fing ne laʼ de pô pye wap pfu a djô goʼ. Ké Bate mtchoʼ 32:4 ba 1 Yohané 4:8, neng gômte ne mhente menge :

• Taʼ Si ye é ghe m ma paʼ mye pe djô tchum mkhè menge a, fing ne laʼ bing ne le pô pye wap pfu a djô goʼ a ?

• O bo djô ge nyenyô ne vu ha juete a ? Nweke ?

 YE NE KHAMTE

Tchwe ye taʼ mo pfu a é te bing jye sômywe pe. Pô pye wap pfu a te djô goʼ pe, wap ka fing ne neng gre ywe tchwepoung ne pô pye wap dje tse vôk a.

O lagne ke ?

• Ke tchyete tchwe ye pe pfu a ?

• Ne jye nyenyô ne vu gre ge pe tsu pé ke ?

• Ne jye nyenyô ne vu juete wôkpe m tchi ge ke ?