Mtchye be m tuôdeng téʼ. Te ya pe, be sômmo ne pe te be tse vôk pe. Si né bem wôkpe. Poʼo, é be mo ye é gô sing wôkpe tchi paʼ pe gô ne wim mtchye a. É be é ghôm ge ke ne mtchye ? Pou fing ne pfe mtchye, ke nwe, ke tchu ya le ne mo a ? O neng fing ne le mkhète pepoung ne mtchye m tchi ge ke ?

1. Jéova djô mtchye m tchi ge ke ?

Jéova le ghôm bi mghè faʼ pye tchwedze ge : “Vôk bayale mo ke bayale bap le, be mtchye mye.” (Mtchoʼ 17:14) Bi Jéova, mtchye be vôk. Paʼ vôk be taʼ poutchi dôlô fe m bi Si a, ba mtchye be dôlô.

2. Si khengne ya tchi ne wim mtchye ?

Dômgne beng le tchwe te mi, mouywe tam ne tchye, Jéova ha mtchoʼ bi mghè faʼ pye ne tchyete pe pfe mtchye. (Ké Ne toʼ 9:4 ba Mtchoʼ 17:10.) É le ping tchye m ne pe laʼte jye, gôm bi mkritè ne dendze wôdzu kre ge : “po pe . . . khengne mtchye.”—Ké Mfaʼ 15:28, 29, nwt.

Ne kengne mtchye thoute ge ke ? A pe ge taʼ dôkta ghôm bou ge o kengne mlouʼ bampam, be o te gô nwe ya pe. Daʼge, o gô pfe ywetsu ye a ghe mlouʼ bampam tchum o a, ke souôp ya bô ne o a ? Kwaʼ nyenyô ge gè. Dendeng poʼo, mtchoʼ Si, ne kengne mtchye, thoute ge pe te gô nwe mtchye pe, ke pfe bap ye pou ka pfye mtchye mye a le. Pe te gô neng pfe bayale ywetsu ye pou kwiʼ mtchye tchum o a pe.

Te tchwe ye a bo dé faʼ dôkta a, ne kengne mtchye thoute ge ke ? She potse tsye pe dôkta gwim mtchye ne ne faʼ a, te ging ne mtchoʼ Si pe. Taʼ foʼte be ne tu mtchye ke bayale ne mjeng mtchye le, mye a be—mglobul rouge, mglobul blang, mplakèt ba plasma a. Ne she mtchi ne faʼ ne mo dôkta, a fing ne tuô ne jye be ye a bo ging ne mtchoʼ Si ke gè a le. Taʼ foʼte, she mdôkta gwim she mbibi potse tsye pou thé ne taʼ jeng ne mtchye a, ne ne faʼ ne mo. She ping be gwim mtchye mo, ne ne faʼ pe kwaʼ ne gè. Tchwe ye a be ne mtchi ne faʼ menge a, baya mo le gô le pe ye khète do é ne ywe ye é gô ghe a. *—Galata 6:5.

 PING TCHENG NE GÔ DZE

3. Le mkhète ne mtchi ne ba ne o, mye a boung bi Jéova a

Sôʼ m ne tchi ne ba ne o, o fing ne le mkhète mye a djoʼgne ne tchi paʼ Si ne djô mtchye a m tchi ge ke ? Yô VIDÉO, neng dou gômte ne nweke a be m tuôdeng ne ying ne potse tsenge a.

• Ghe priya ne ne do jyenwe.—Yakop 1:5.

• Tcheng mkhète Bible, ba tchi paʼ o fing ne ying ne a.—Mghôm jyenwe 13:16.

• Tcheng ne jye mtchi ne ba mo, mye a be si ne pap tsuʼ ye o tchwe ne a.

• Tinte mye o ka fing ne ping a.

• Tchente dé ge mkhète mye o gô le a, te gô ghe ge saʼtum o pakgne o pe.—Mfaʼ 24:16. *

• Tchente jye ge te sômmo—te be a dze o ke djwi o le, taʼ getso ke mo ye é tchye you jiʼte a le—né gô sing o khète ye o gô le, tchwe ye a bo dé nwe ne saʼtum a pe.—Roma 14:12.

• Ve khète ye o de a, poʼ ge pyeshe pô ti khouʼgne ne jye ya.

4. Mkwithè Jéova tcheng mtchi ne ba mne map dôkta, mye pepoung mye a be we a

Pe fing ne ying ne mtchoʼ Jéova ne mtchye, a le neng khô ge pou pa gho ne pe ne taʼ tchi pepoung pe te wim mtchye. Yô VIDÉO.

Ké Tito 3:2, neng gômte ne hente yenge :

• Nweke ba tchwekele ye a tcheng ge pe ghômte pou a mdôkta a, a tcheng ge pe ha mkouʼ map, neng de ma byagne gôm nwe bi pou ?

 5. Tchwe ye pou bo gô wim mbibi potse mye pou thé ne taʼ jeng ne mtchye a

Mtchye be a ghe mjeng gwye mapfue—mglobul rouge, mglobul blang, mplakèt, gre plasma. Menge mjeng ne mtchye be a ghe po mbibi potse, pou pe khé ma ge po mbibi potse ne taʼ jeng ne mtchye. * Pou gwim she ne po mbibi potse bô ne nyapte mhwe mye a kwite ne loʼ mgho, ke djaʼ mtchye ne tem ne mo a le.

Tchwe ye a bo dé po mbibi potse ne taʼ jeng ne mtchye a, baya kritè le gô le khète pe do é, dou ne tchi paʼ a be é le Bible ne thôk saʼtum é a. She mtam, pou ne pa pô, gwim po mbibi potse mye a fe ne taʼ jeng ne mtchye a, ke mhwe mye ma bô ne a le. She pô fing ne kengne mye bô tchi ne ba mo. She pô fing ne yô ge saʼtum yap thak ge wap wim po mbibi potse bô.

Tchwe ye o bo de mou mkhète a, sè nwe ne hente yenge :

• Ge gô toute bi taʼ dôkta, ywe ye a gre mye ping ke khengne le, she po mbibi poste ne mjeng ne mtchye a m tchi ge ke ?

 YE NE KHAMTE

Bible sing wôkpe tchi paʼ Jéova tcheng ge pe wim mtchye a.

O lagne ke ?

• Nweke Jéova djô mtchye paʼ taʼ ywe dôlô a ?

• Pe jye m ge ke ge, mtchoʼ Jéova ne kengne mtchye dé ba ne ne tu mtchye ne mo ?

• O fing ne le mkhète pepoung ne mtchi ne faʼ ne pômneng dôkta mye pou gwim mtchye ne a m tchi ge ke ?