АФИНА, Јунаныстан. Јеһованын Шаһидләри Афина Олимпија Атлетика Мәркәзиндә 2014-ҹү ил 27—29 ијун тарихиндә «Аллаһын Падшаһлығыны һәр шејдән үстүн тутун!» адлы бејнәлхалг конгрес кечирдиләр. (2004-ҹү илдә бурада Олимпија ојунлары кечирилмишди.) Конгресдә 35 863 нәфәр иштирак едирди. Програмын мүәјјән һиссәләрини Белчикада вә Кипрдә видеотранслјасија васитәсилә 3 093 нәфәр изләјирди. Беләҹә, иштиракчыларын үмуми сајы 38 956 нәфәрә чатмышды.

Конгресә Хорватијадан, Маҹарыстандан, Корејадан, Румынијадан, Ҹәнуби Африкадан, Түркијәдән вә Бирләшмиш Штатлардан нүмајәндәләр ҝәлмишди. Баш Олимпија стадионунун менеҹери Кристина Михаил тәәссүратыны белә ифадә етмишди: «Мүхтәлиф милләтдән вә өлкәдән олан бу гәдәр инсаны ҝөрмәк адамы валеһ едирди. Онларын бирликдә әјләшмәси, бирҝә шәкил чәкдирмәси,.. бу меһрибан аб-һава мәнә чох хош тәсир бағышлады. Бу, гејри-ади бир шејдир. Бу стадионда индијә гәдәр белә бир шеј олмамышды. Адәтән, бурада идман фанатлары вә азаркешләри јығышыр. Онлар өзләрини тамамилә фәргли апарырлар. Бу сәбәбдән конгресдәки мүһит бизи һејран гојду».

Јеһованын Шаһидләринин Јунаныстан филиалынын нүмајәндәси Роберт Керн исә белә демишди: «Филиала конгрес програмына вә бејнәлхалг гардашлыгла бирликдә топлашмаг имканына ҝөрә јүзләрлә миннәтдарлыг мәктубу ҝәлмишдир. Башга-башга өлкәләрдән олан чохлу сајда баҹы-гардашларымызы бу әламәтдар мәрасимдә ҝөрмәк чох хош иди».

Әлагә үчүн:

Бејнәлхалг: Ҹ. Р. Браун, мәлумат хидмәти, тел.: +1 718 560 5000

Јунаныстан: Бабис Андреопулос, тел.: +30 210 617 8606