Ngokwe-World Health Organization, omama kumelwe baqale ukuncelisa izinsana ubisi lwebele phakathi nehora lokuqala zizelwe futhi bazincelise lona izinyanga eziyisithupha ngokukhethekile. Naphezu kwalokhu kusikisela, onguMeluleki Wesifunda Wezokondliwa EMpumalanga naseNingizimu ye-Afrika, we-UNICEF, wabonisa ukuthi ukukhangisa okungamanga kuyaqhubeka kugomela ngokuthi “ubisi lwezingane oluthengwayo luyafana nolwebele.”

OKUSHIWO IBHAYIBHELI: “Ongenalwazi uba nokholo kuwo wonke amazwi, kodwa okhaliphile uyazicabangela izinyathelo zakhe.”—IzAga 14:15.

Abacwaningi baseMontreal basikisele ukuthi izingane ezinabazali abangozwi lakhe—ababeka imithetho eqinile kodwa babonise uthando oluncane ezinganeni—angu-30 amaphesenti okuba zikhuluphale ngokweqile, uma ziqhathaniswa nezingane ezinabazali abonombono olinganiselayo ngokuphathelene nokuzibonisa uthando nokuziyala.

INGABE BEWAZI? Indlela ewusizo kakhulu yokukhulisa izingane yembulwa eBhayibhelini emakhulwini amaningi eminyaka edlule.—Kolose 3:21.

Ocwaningweni olwenziwa emindenini yamaDashi, okusebenza kuyo bobabili abazali, kuphethwe ngokuthi abazali ababeka imingcele eqinile phakathi komsebenzi nomndeni, basondelene kangconywana nezingane zabo kunabazali abavumela umsebenzi wabo ukuba uthikameze izibopho zomndeni. Ngokwesibonelo, ukuhlanganisa umsebenzi nomndeni ngokushaya izingcingo eziphathelene nomsebenzi usekhaya ngemva kwesikhathi somsebenzi, kungenza abazali bangazinaki ngendlela efanele izingane zabo.

ONGACABANGA NGAKHO: “Kukhona isikhathi esimisiwe sayo yonke into.”—UmShumayeli 3:1.