NgeSonto, ngoJuni 3, 2018, kwaqhuma intambamlilo iVolcan de Fuego eseGuatemala, kwasakazeka udaka olubilayo olwalandelwa yifu lentuthu elaliphakeme ngamakhilomitha angu-9. Kunamabandla angaphezu kwayishumi kule ndawo athintekile. Siyabonga ngokuthi abekho abafowethu nodadewethu abalimala, nakuba abangu-8 kwadingeka basuswe ngokushesha ukuze baphephe. Amabandla asezifundeni ezingomakhelwane enza ngokuvumelana neyesi-2 Korinte 8:14, 15, anikela ngezinto eziyisidingo, izindawo zokuhlala nezinto zokuhamba.