Vûu-laɣii ŋɔfólo kuui 23 ɣele, Nuu ŋɔmiliyɔ̂ŋ 12 kpaa núu ŋɔmiliyɔ̂ŋ támaa da pa pâi Kôrai ŋɔsaai kili-too-ŋá kpɔŋ ma. Da pâi mɛni lɛ́lɛɛ támaa maa-kɔ̂rii lono-kpua su é pîlaŋ m̀aa-tee-sɛŋ ma Ziova è dɛɛ à gɛ́ɛ é nuu-kpune ŋuŋ ma ɓô da m̀ɛni lɛ́lɛɛ-ŋai nuu-kpune a pâi zɔlɔ ɓôi tínaa tûɛ-pere! (Aza 11:6-9; 35:5, 6; 65:21-23; Zɔ̂ŋ 3:16) Nonoi-tɛɛ-nuui ǹya dɔnɔ nɔ́ féi pâi Ziova ŋɔfólo-laai maa-tɛ́i ǹûai ŋɛ́i. Kɛ́lɛ, kúkélee kwa pɔri Ziova ŋɔfólo-laai maa-tɛ́i à kɛ̀ kwa kúyée see kúŋɔ̃yâ-ŋai mu. (Lom 15:7) Berei-ŋai kwa pɔri gɛ́i la dani káa ŋí.

  • Mɛni-kpɛtɛɛ kɛ́ à gɛ́ɛ I lí a sómoɔ goyâŋ kɔ́ɔ è lɛɛ pâi pîlanii. Ya li, ífé see nɔ́ I kɛ́ maa kpɔŋ kɛ à gɛ́ɛ goyâŋ kɔ́ɔ é pîlaŋ. Kɛ́lɛ, kúŋɔ̃yâ-ŋai da Ziova Ŋɔsêre-faa kɛ́-ɓelai dífe ta pa ni goyâŋ su a tãi su kôyai sɛ́rɛ ɓó a lii-nɛɛ pere

  • Kúfe kpáaŋ nɔ́ diai mɛni ma kú dí tolii à gɛ́ɛ dí pa gbɔŋ ŋí mai, kɛ́lɛ, kwa pɔri kpáani a diai kélee pa pâi gbɔŋ ŋí mai. Diai dítãi maa-ŋuŋ ɓé tí, ya pɔri môi dîa à gɛ́ɛ ka dîa-ni ka see kakîe kɔlɛ. Kakɛ íƔâla-kɔlɔi sukáa nono-tɛɛ-nuui a Ɣâla-kɔlɔ-kpua ta toli nóno mɛni ma, gɛ̀ ní, ŋule tóo tãi a seri, ka wule tóo gîe ma íwule-kɔlɔi su

  • Ka kpɛɛ gbɔŋ ŋí ma, ya pɔri dímarê kɛ́i à kɛ̀ marê-kɛɛ-ŋa káa díkili-ŋa à gɛ́ɛ I zu kula dîɛ. À kɛ̀ tãi támaa fé íyêei, kpɛ́ni fêi, korâi-toli-kpɔŋ su-ɓela takpɛ́ni káa pâi díwɔ̂i kpɔŋ ma, gɛ̀ ní, ya pɔri mɛni-kpɛtɛɛ kɛ́i à gɛ́ɛ I lí pôlu dípɛ́rɛi la fólo-kuu kpɛ́-kpɛɛ yêe mu. À kɛ̀ ífe dípɛ́rɛi la kɔ́lɔŋ, ya pɔri môi dîa yɛɛ: “Ŋá ŋwɛ̂lii ŋá m̀ɛnii kɔ́lɔŋ I maa-kɔ̂rii gbɔŋ ŋí sui. Pere káa naa à gɛ́ɛ ŋá pa kápɛ́rɛi la?”