Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 1

Eaha te parau apî oaoa?

Eaha te parau apî oaoa?

1. Eaha te parau apî no ǒ mai i te Atua?

E hinaaro te Atua ia ora te taata i te fenua ma te oaoa. No to ’na here i te huitaata i poiete ai oia i te fenua e te mau mea atoa i nia iho. Ua fatata oia i te horoa mai i te hoê oraraa maitai a‘e no te taata atoa. E faaore ïa oia i te mau tumu o te mauiui.—A taio i te Ieremia 29:11.

Aita te haavîraa u‘ana, te ma‘i aore ra te pohe i ore a‘enei i te tahi faatereraa. Te vai nei râ te tahi parau apî oaoa. Ua fatata te Atua i te haamou i te mau faatereraa a te taata atoa, a faatere mai ai oia. E ora te feia o te auraro i ta ’na faatereraa ma te hau e aita e ma‘i faahou.—A taio i te Isaia 25:8; 33:24; Daniela 2:44.

2. No te aha mea faufaa roa ’i te parau apî oaoa i teie mahana?

Ia haamou te Atua i te feia ino i te fenua e ore ai te mauiui. (Zephania 2:3) Afea ïa? Ua tohu te Parau a te Atua i te mau mea o te haafifi i te oraraa o te huitaata. Te tupu nei te reira. Ua fatata roa ïa te Atua i te ohipa mai.—A taio i te Timoteo 2, 3:1-5.

3. Ia aha ïa tatou?

Ia ite tatou o vai te Atua i roto i ta ’na Parau. E au te Bibilia i te hoê rata ta te hoê papa î i te here i papai na tatou. Te faaite maira te Bibilia eaha te rave ia maitai to tatou oraraa i teie nei â e ia fana‘o i te ora mure ore i te fenua. Eita paha vetahi e mauruuru ia tauturuhia oe ia taa i te Bibilia. Eiaha râ e taiâ, e oraraa maitai roa to a muri a‘e.—A taio i te Maseli 29:25; Apokalupo 14:6, 7.

No te ite atu â

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?