Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 5

Eaha te opuaraa a te Atua no te fenua?

Eaha te opuaraa a te Atua no te fenua?

1. No te aha te Atua i poiete ai i te fenua?

Ua horoa Iehova i te fenua ei nohoraa no te taata. Aita oia i poiete ia Adamu raua Eva, na taata matamua, no te parahi i te ra‘i. O te mau melahi ta ’na i poiete ê na te ora i te ra‘i. (Ioba 38:4, 7) Ua tuu râ te Atua ia Adamu i roto i te hoê paradaiso nehenehe parauhia te ô i Edene. (Genese 2:15-17) Ua horoa ’tu oia i te tiaturiraa ia ora Adamu e to ’na huaai e a muri noa ’tu i te fenua.—A taio i te Salamo 37:29; 115:16.

I te omuaraa, o te ô i Edene noa te paradaiso. Ia faaî Adamu raua Eva i te fenua i to raua huaai, a atuatu ai i te fenua taatoa ta ratou e faariro ei paradaiso. (Genese 1:28) E ore roa ’tu te fenua e mou, e vai noa râ ei nohoraa no te huitaata.—A taio i te Salamo 104:5.

2. No te aha e ere ai te fenua i te paradaiso i teie mahana?

No to Adamu raua Eva faaroo-ore-raa ia ’na, ua tiahi Iehova ia raua i rapaeau i te ô. Ua ere atura raua i te paradaiso e aita i tia i te taata ia haamau â i te reira. Te parau ra te Ioba 9:24: “Ua horoahia te fenua i te rima o te paieti ore,” aore ra feia ino.—A taio i te Genese 3:23, 24.

Aita Iehova i haapae i ta ’na opuaraa matamua no te huitaata. E Atua mana hope oia. E tapea iho â oia i ta ’na parau. (Isaia 45:18) E tupu iho â ta ’na i opua no te huitaata.—A taio i te Salamo 37:11, 34.

3. E nafea te paradaiso e haamau-â-hia ’i?

E haamau-â-hia te paradaiso i te fenua ia faatere mai Iesu ei Arii a te Atua. I te tama‘i parauhia Aramagedo, e aratai Iesu i te mau melahi a te Atua no te haamou i te  mau enemi atoa. I muri iho, e huri oia ia Satani i roto i te tapearaa 1 000 matahiti. E ora ’tu te nunaa o te Atua i te haamouraa, na Iesu hoi ratou e aratai e e paruru. E ora ratou e a muri noa ’tu i roto i te paradaiso i te fenua.—A taio i te Apokalupo 20:1-3; 21:3, 4.

4. Afea te mauiui e ore ai?

Afea te Atua e faaore ai i te ino i te fenua? Ua horoa Iesu i te hoê “tapao” o te faaite mai afea. Te ino noa ’tura te oraraa o te taata no te mau mea e tupu ra i te ao nei. Te ora nei ïa tatou i “te hopea o teie nei ao.”—A taio i te Mataio 24:3, 7-14, 21, 22.

Ia faatere mai Iesu ei Arii i te fenua mai te ra‘i mai 1 000 matahiti, e ore te mauiui atoa. (Isaia 9:6, 7; 11:9) E ohipa atoa mai oia ei Tahu‘a Rahi, a faaore ai i te hara a te feia e here ra i te Atua. Na roto ïa ia Iesu e faaore ai te Atua i te ma‘i, te ruhiruhiaraa e te pohe.—A taio i te Isaia 25:8; 33:24.

5. O vai te ora i roto i te paradaiso?

I te Piha a te Basileia, e farerei oe i te mau taata e here ra i te Atua e e hinaaro ra e ite e nafea ia faaoaoa ia ’na

O te feia e faaroo i te Atua te parahi i te paradaiso. (Ioane 1, 2:17) Ua tono Iesu i ta ’na mau pǐpǐ e imi i te feia mǎrû e e haapii atu eaha te rave e farii ai te Atua ia ratou. I teie mahana, te faaineine nei Iehova e mirioni taata no te ora i roto i te paradaiso i te fenua. (Zephania 2:3) I te mau Piha a te Basileia a te mau Ite no Iehova, e haapii te taata e nafea ia riro ei tane e vahine faaipoipo e ei papa e mama maitai a‘e. E haamori amui te tamarii e te metua ia Iehova, a ite atu ai e nafea te parau apî oaoa e haamaitai ai i to ratou oraraa.—A taio i te Mika 4:1-4.

 

No te ite atu â

Eaha te opuaraa a te Atua no te fenua?

E tupu anei te opuaraa a te Atua no te paradaiso i te fenua? Mai te peu e e, afea?