Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 14

No te aha e faanahonahoraa ’i ta te Atua?

No te aha e faanahonahoraa ’i ta te Atua?

1. No te aha te Atua i faanaho ai ia Iseraela i tahito?

Ua faanaho te Atua i te huaai o te patereareha Aberahama ei nunaa e ua horoa ’tu i te mau ture. Ua parau oia ia ratou o “Iseraela.” O ratou ana‘e te haamori ra i te Atua mau e te haapao ra i ta ’na parau. (Salamo 147:19, 20) Maoti ïa Iseraela e maitai ai to te mau nunaa atoa.—A taio i te Genese 22:18.

Ua maiti te Atua ia Iseraela ei ite no ’na. Te faaite maira to ratou oraraa e e maitai te taata ia auraro i te mau ture a te Atua. (Deuteronomi 4:6) Na roto ïa ia Iseraela e ite ai te taata i te Atua mau.—A taio i te Isaia 43:10, 12.

2. No te aha te mau Kerisetiano mau i faanahohia ’i?

Ua ere ihora Iseraela i te farii maitai a te Atua. Maiti atura Iehova i te amuiraa Kerisetiano no te mono atu. (Mataio 21:43; 23:37, 38) I teie nei, o te mau Kerisetiano mau to Iehova mau ite.—A taio i te Ohipa 15:14, 17.

Ua faanaho Iesu i ta ’na mau pǐpǐ no te poro e te faariro i to te mau nunaa atoa ei pǐpǐ. (Mataio 10:7, 11; 24:14; 28:19, 20) Te rave-faahope-hia nei teie ohipa i te tau hopea o teie nei ao. A tahi ra Iehova a tahoê ai ehia mirioni taata no te mau nunaa atoa i roto i te haamoriraa mau. (Apokalupo 7:9, 10) Ua faanahohia te mau Kerisetiano mau no te faaitoito e te tauturu te tahi i te tahi. I te ao nei, te fana‘o nei ratou i te hoê â porotarama haapiiraa Bibilia i ta ratou mau putuputuraa.—A taio i te Hebera 10:24, 25.

 3. Mea nafea te faanahonahoraa no teie tau a te mau Ite no Iehova i fa mai ai?

Ua haamata te faanahonahoraa no teie tau a te mau Ite no Iehova i te mau matahiti 1870. Ua itea e te hoê pǔpǔ feia haapii Bibilia i te pue parau mau Bibilia tei moe maoro na. Ua ite ratou e i faanaho na Iesu i te amuiraa Kerisetiano no te poro. Haamata ’tura ratou i te poro i te Basileia e ati a‘e te ao nei. I te matahiti 1931 to ratou fariiraa i te i‘oa Ite no Iehova.—A taio i te Ohipa 1:8; 2:1, 4; 5:42.

4. Mea nafea te mau Ite no Iehova i faanahohia ’i?

I fana‘o na te mau amuiraa Kerisetiano matamua i e rave rahi fenua i te hoê tino aratai tei farii ia Iesu ei Upoo o te amuiraa. (Ohipa 16:4, 5) E Tino aratai atoa ta te mau Ite no Iehova i teie mahana. E matahiapo aravihi ratou e tiaau nei i te mau amaa a te mau Ite no Iehova o te huri, nenei e opere nei i te mau papai Bibilia na roto e 600 tiahapa reo. E nehenehe ïa te Tino aratai e horoa i te faaitoitoraa e te aratairaa Bibilia i na 100 000 tiahapa amuiraa i te ao nei. I roto i tera mau amuiraa, te haa nei te tahi mau tane aravihi ei matahiapo, aore ra tiaau. Te haapao nei ratou ma te here i te nǎnǎ a te Atua.—A taio i te Petero 1, 5:2, 3.

Ua faanahohia te mau Ite no Iehova no te poro i te parau apî oaoa e no te faariro i te taata ei pǐpǐ. Mai te mau aposetolo, e poro ratou na tera e tera fare. (Ohipa 20:20) E pûpû atoa ratou i te haapiiraa Bibilia i te feia mea au roa na ratou te parau mau. E fetii taeae e tuahine ratou e tâu‘a ra te tahi i te tahi. E Metua î i te here to ratou. (Tesalonia 2, 1:3) O ratou te fetii oaoa roa ’‘e i te fenua no te mea ua faanaho Iehova ia ratou ei nunaa o te faaoaoa ra ia ’na e o te tauturu ra ia vetahi ê.—A taio i te Salamo 33:12; Ohipa 20:35.

 

No te ite atu â

A vai maite i roto i te here o te Atua

Nafea ia faaite i te here e te mauruuru no te mau mea atoa ta te Atua i rave?

O vai mau â te mau Ite no Iehova?

Ehia rahiraa Ite no Iehova ta oe i matau? Eaha mau na ta oe i ite no nia ia matou?