Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 9

E nafea to oe utuafare e oaoa ’i?

E nafea to oe utuafare e oaoa ’i?

1. No te aha mea faufaa roa ’i te faaipoiporaa e oaoa ’i te utuafare?

Na Iehova te parau apî oaoa. Te hinaaro ra oia ia oaoa te mau utuafare no te mea e Atua oaoa oia. (Timoteo 1, 1:11) O ’na te tumu o te faaipoiporaa. Mea faufaa roa ïa te faaipoiporaa ia au i te ture e ora ’i na metua e ta raua mau tamarii ma te oaoa e te here. Ia auraro te mau Kerisetiano i te mau ture o to ratou fenua no nia i te faaipoiporaa.—A taio i te Luka 2:1, 4, 5.

Eaha to te Atua mana‘o i te faaipoiporaa? E taairaa tamau te reira i rotopu i te hoê tane e ta ’na vahine. Te hinaaro ra Iehova ia here noa te tane e ta ’na vahine te tahi i te tahi. (Hebera 13:4) Mea au ore na ’na ia taa raua. (Malaki 2:16) Ia faaturi râ te hoê, e faatia oia i te apiti hapa ore ia faataa e ia faaipoipo faahou.—A taio i te Mataio 19:3-6, 9.

2. Ia aha te tane e ta ’na vahine?

Ua poiete Iehova i te tane e te vahine no te riro ei apiti no te tahi e te tahi. (Genese 2:18) Na te tane ei upoo o te utuafare e horoa i te hinaaro-mau-hia e to ’na utuafare no te oraraa e e haapii ia ratou no nia i te Atua. Ia here oia i ta ’na vahine ma te pipiri ore. Mea faufaa ia here e ia faatura te tane e ta ’na vahine te tahi i te tahi. No to raua huru tia ore, mea faufaa roa atoa ia haapii raua i te faaore i te hapa e oaoa ’i raua.—A taio i te Ephesia 4:31, 32; 5:22-25, 33; Petero 1, 3:7.

 3. Ia faarue anei oe i to oe apiti no te mea aita oe e oaoa ra?

Mai te peu e te fifi ra orua, a tutava i te here ia orua. (Korinetia 1, 13:4, 5) Aita te Bibilia e parau ra e faataa ê ia orua e afaro ai to orua fifi.—A taio i te Korinetia 1, 7:10-13.

4. Te hinaaro ra Iehova ia aha outou, te mau tamarii?

Te hinaaro ra Iehova ia oaoa outou. Te horoa maira oia i te aratairaa maitai roa ’‘e e nafea ia oaoa i to outou apîraa e ia faufaahia i te paari e te ite o to outou na metua. (Kolosa 3:20) Te hinaaro atoa ra oia ia oaoa outou i te raveraa i te tahi mau mea no to outou Atua Poiete e no ta ’na Tamaiti.—A taio i te Koheleta 11:9–12:1; Mataio 19:13-15; 21:15, 16.

5. Ia aha orua na metua e oaoa ’i ta orua mau tamarii?

A faaitoito i te horoa i te maa, te nohoraa e te ahu no ta orua mau tamarii. (Timoteo 1, 5:8) Mea faufaa atoa râ ia haapii orua ia ratou ia here e ia faaroo i te Atua. E oaoa ïa ratou. (Ephesia 6:4) E nehenehe to ratou aau e putapû i to orua here i te Atua. E tauturu ta orua haapiiraa niuhia i nia i te Bibilia ia ratou ia rave i te mea maitai.—A taio i te Deuteronomi 6:4-7; Maseli 22:6.

E maitai ta orua mau tamarii ia faaitoito e ia haapopou orua ia ratou. E titauhia atoa ia a‘o atu. E paruru hoi te reira ia ratou i te haerea ino o te faaere ia ratou i te oaoa. (Maseli 22:15) Ia a‘o râ orua, eiaha roa ’tu e haavî e e rave ino.—A taio i te Kolosa 3:21.

E rave rau buka tei piahia e te mau Ite no Iehova no te tauturu i te mau metua e tamarii. Ua niuhia te reira i nia i te Bibilia.—A taio i te Salamo 19:7, 11.

 

No te ite atu â

A tiaturi i te Atua no te oaoa e to hoa faaipoipo

Ma te pahono noa i na uiraa e piti, e nehenehe oe e oaoa ’tu â e to hoa faaipoipo.

E nafea ia faaafaro i te fifi?

Ia au i ta orua e faaoti, e nehenehe orua e oaoa a maitai atu ai to orua faaipoiporaa aore ra e mauiui a ino atu ai to orua taairaa.

E nafea to outou oraraa utuafare e oaoa ’i?

E hi‘oraa te here o Iesu no te mau tane, vahine, metua e tamarii. Eaha ta ’na e haapii maira?