Eaha to roto?

Mau faaho'iraa ê

Tapura tumu parau

Ite no Iehova

Tahiti

Parau apî oaoa a te Atua

 HAAPIIRAA 13

Eaha te tupu i nia i te mau haapaoraa?

Eaha te tupu i nia i te mau haapaoraa?

1. Mea maitai anei te mau haapaoraa atoa?

Te vai ra te tahi mau taata haavare ore i roto i te mau haapaoraa atoa. Te ite mai ra e te tâu‘a mai ra te Atua ia ratou. E parau apî oaoa ïa. Tera noa râ, mea rahi te ino i ravehia e te mau taata faaroo. (Korinetia 2, 4:3, 4; 11:13-15) Ua apiti roa te tahi mau haapaoraa i te ohipa totoaraa, te tapahiraa taata, te tama‘i e te rave-ino-raa i te mau tamarii. Te peapea roa nei te feia e tiaturi mau ra i te Atua.—A taio i te Mataio 24:3-5, 11, 12.

Te faahanahana ra te haapaoraa mau i te Atua. Area te haapaoraa hape, te rave ra ïa i te mau mea e riri ai oia, mai te haapiiraa i te mau mana‘o aita i roto i te Bibilia. Oia atoa te mau haapiiraa hape no nia i te Atua e te feia pohe. Te hinaaro nei râ Iehova ia ite te taata i te parau mau no nia ia ’na.—A taio i te Koheleta 9:5, 10; Timoteo 1, 2:3-5.

2. Eaha te tupu i nia i te mau haapaoraa?

Ua ite maitai te Atua i te mau haapaoraa e faahua here ra ia ’na, o te hinaaro mau nei râ i te ao a Satani. (Iakobo 4:4) Te faataa ra te Bibilia i te mau haapaoraa hape atoa mai ia “Babulonia rahi.” I te oire o Babulonia hoi i haamata ’i te haapaoraa hape i muri a‘e i te diluvi i te tau o Noa. Ua fatata te Atua i te haamou i te mau haapaoraa e haavare ra e e faateimaha ra i te huitaata.—A taio i te Apokalupo 17:1, 2, 5, 16, 17; 18:8.

Aita râ Iehova i haamoe i te feia haavare ore tei purara ê i roto i te mau haapaoraa hape i te ao nei. Te haapii nei oia ia ratou i te parau mau, o te tauturu atu ia faarue i te haapaoraa hape.—A taio i te Mika 4:2, 5.

 3. Ia aha te feia haavare ore?

Te tahoê nei te haapaoraa mau i te taata

E aupuru Iehova i te feia mea au na ratou te parau mau e te maitai. Te faaue ra oia ia ratou ia faarue i te haapaoraa hape. Ua ineine te feia e here ra i te Atua i te taui no te faaoaoa ia ’na.—A taio i te Apokalupo 18:4.

I te senekele matamua, ua oaoa te feia haavare ore i to te mau aposetolo faaiteraa ’tu i te parau apî oaoa. Ite a‘era ratou e e opuaraa ta Iehova. E horoa mai oia i te hoê huru oraraa apî oaoa a‘e. Ua farii ratou i te parau apî oaoa ma te faariro ia Iehova ei mea faufaa i roto i to ratou oraraa. E hi‘oraa maitai ïa ratou.—A taio i te Tesalonia 1, 1:8, 9; 2:13.

Te feia e faarue i te haapaoraa hape, e farii ïa Iehova i roto i to ’na utuafare e haamori ra ia ’na. Ia farii oe i ta Iehova titau-manihini-raa, e fana‘o oe i to ’na auhoaraa, te hoê utuafare apî î i te here e haamori ra ia ’na e te ora mure ore.—A taio i te Mareko 10:29, 30; Korinetia 2, 6:17, 18.

4. E nafea te Atua e faatupu ai i te oaoa i te fenua?

E haavahia te haapaoraa hape. E parau apî oaoa teie. E tiamâ ïa to te ao nei i te faateimaharaa. E ore te haapaoraa hape e haavare e e faaamahamaha faahou i te huitaata. E tahoê te taata atoa no te haamori i te Atua mau hoê roa.—A taio i te Apokalupo 18:20, 21; 21:3, 4.

 

No te ite atu â

EAHA TA TE BIBILIA E HAAPII MAU RA?

Te haamoriraa ta te Atua e farii

Hi‘opoa e ono tuhaa o te faaite o vai ma te faaohipa ra i te haapaoraa mau.

EAHA TA TE BIBILIA E HAAPII MAU RA?

A paturu i te haamoriraa mau

Eaha te mau fifi ta oe i faaû a faataa ’i i ta oe mau tiaturiraa ia vetahi ê? E nafea ia na reira ma te faatura ia ratou?