Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 6

Eaha te tiaturiraa no te feia pohe?

Eaha te tiaturiraa no te feia pohe?

1. Eaha te parau apî oaoa no tei pohe?

I to Iesu taeraa ’tu i Betania i pihai ia Ierusalema, a maha ’tura mahana te poheraa to ’na hoa o Lazaro. Haere atura oia e o Mareta raua Maria, na tuahine o Lazaro, i te menema. Tae maira te hoê nahoa taata. Eaha paha Mareta raua Maria i te oaoa i to Iesu faaho‘iraa mai ia Lazaro i te ora!—A taio i te Ioane 11:21-24, 38-44.

Ua ite ê na Mareta i te parau apî oaoa no tei pohe. E faaho‘i mai Iehova ia ratou i te ora i te fenua.—A taio i te Isaia 26:19.

2. Eaha te tupu ia pohe te taata?

Ua na ô te Atua ia Adamu: “E repo hoi oe, e e ho‘i faahou atu â oe i te repo.”—GENESE 3:19.

Ua hamanihia te taata i te repo. (Genese 2:7; 3:19) E ere tatou i te varua i roto i te hoê tino i‘o. E taata tatou, aita ïa e mea e ora ’tu ia pohe tatou. Ia pohe tatou, e pohe atoa to tatou roro e e mou to tatou mana‘o. No reira Lazaro i ore ai i faatia i ta ’na i ite i roto i te pohe. Aita hoi e parau itea a tei pohe.—A taio i te Koheleta 9:5, 6, 10.

E haamauiui anei te Atua i te feia pohe i roto i te auahi? E haapiiraa hape mau â te po auahi e faaino ra ia ’na. Te parau ra hoi te Bibilia e aita e parau itea a tei pohe. Mea au ore roa na te Atua te mana‘o e haamauiui i te taata i roto i te auahi.—A taio i te Ieremia 7:31.

 3. E nehenehe anei tei pohe e paraparau mai?

Eita te feia pohe e paraparau, eita atoa e faaroo. (Salamo 115:17) Mea ino râ te tahi mau melahi. E nehenehe ratou e paraparau mai ma te rave i te hoho‘a aore ra te reo o te feia pohe. (Iuda 6) Eiaha roa ’tu e tamata i te uiui i tei pohe, ta Iehova ïa e faaue maira.—A taio i te Deuteronomi 18:10, 11.

4. O vai te faaho‘ihia mai i te ora?

E rave rahi mirioni taata pohe te ho‘i mai i te ora i te fenua. E tia atoa mai te tahi mau taata aita i ite i te Atua e tei rave i te ino.—A taio i te Salamo 37:9; Ohipa 24:15.

E nehenehe te feia e faatiahia mai e ite i te parau mau no nia i te Atua e e tiaturi ia Iesu ma te auraro ia ’na. (Apokalupo 20:11-13) Te feia e tia mai a rave ai i te maitai, e ora ïa e a muri noa ’tu i te fenua.—A taio i te Ioane 5:28, 29.

5. Eaha ta te tia-faahou-raa e faaite maira no nia ia Iehova?

Ua tono mai te Atua i ta ’na Tamaiti ia pohe no tatou, a horoa mai ai i te tiaturiraa no te feia pohe. Te faaite maira ïa te tia-faahou-raa i te here e te maitai rahi o Iehova. O vai iho â râ ta oe e hinaaro e farerei ia ho‘i mai tei pohe i te ora?—A taio i te Ioane 3:16; Roma 6:23.

 

No te ite atu â

Teihea te feia pohe?

A haapii i te Bibilia no te ite teihea te feia pohe e no te aha te taata e pohe ai.

E tiaturiraa mau to to outou feia here i pohe

Ua pohe anei te hoê taata ta oe i here? E nehenehe anei e ite faahou ia ratou? Hi‘o i ta te Bibilia e haapii ra no nia i te tia-faahou-raa.

Te mau varua—To ratou mana i nia ia tatou

Te faahiti ra te Bibilia i te parau o te mau melahi e te mau demoni. Mea mau anei teie mau varua? E mana anei to ratou i nia i to oe oraraa?