Eaha to roto?

Mau faaho'iraa ê

Tapura tumu parau

Ite no Iehova

Tahiti

Parau apî oaoa a te Atua

 HAAPIIRAA 10

E nafea e itehia ’i te haamoriraa mau?

E nafea e itehia ’i te haamoriraa mau?

1. Hoê ana‘e anei haapaoraa mau?

“A ara i te mau peropheta haavare.”—MATAIO 7:15.

Hoê ana‘e haapaoraa ta Iesu i haapii i ta ’na mau pǐpǐ, te haapaoraa mau. E au te reira i te hoê e‘a e tae atu ai i te ora mure ore. Ua parau Iesu e “aita i rahi te taata o te ite atu i taua e‘a ra.” (Mataio 7:14) O te haamoriraa noa tei niuhia i nia i ta ’na Parau te Bibilia ta te Atua e farii. Mea tahoê te feia haamori mau atoa i roto i te hoê â faaroo.—A taio i te Ioane 4:23, 24; 14:6; Ephesia 4:5.

2. Eaha ta Iesu i faaara i te mau Kerisetiano?

“Te parau roa ra ratou e ua ite ratou i te Atua, aita nei râ ia au i ta ratou mau ohipa.”—TITO 1:16.

Ua faaara Iesu i te mau Kerisetiano e e tia mai te mau peropheta haavare. Ia hi‘ohia ’tu, e au ratou i te feia haamori mau e parau ra e e Kerisetiano ratou. E nehenehe râ oe e ite e e ere roa ’tu. E itehia o vai te mau Kerisetiano mau ia au i to ratou mau huru maitatai e ta ratou mau ohipa. O ratou te feia haamori mau.—A taio i te Mataio 7:13-23.

3. E nafea e itehia ’i te feia haamori mau?

Teie e pae ravea:

  • E faatura te feia haamori mau i te Bibilia ei Parau na te Atua. Te faaitoito nei ratou i te faaohipa i te mau aratairaa Bibilia. Aita ïa te haapaoraa mau i niuhia i nia i te mau mana‘o taata. (Mataio 15:7-9) Te ora nei ratou ia au i ta ratou e haapii ra ia vetahi ê.—A taio i te Ioane 17:17; Timoteo 2, 3:16, 17.

  •   E faatura te mau pǐpǐ mau a Iesu i te i‘oa o te Atua, Iehova. Ua faatura Iesu i te i‘oa o te Atua ma te faaite haere i te reira. Ua tauturu oia i te taata ia ite i te Atua e ua haapii atu ia pure ia mo‘a te i‘oa o te Atua. (Mataio 6:9) I te vahi ta oe e faaea ra, teihea haapaoraa e faaite haere ra i te i‘oa o te Atua?—A taio i te Ioane 17:26; Roma 10:13, 14.

  • E poro te mau Kerisetiano mau i te Faatereraa arii a te Atua. Ua tono mai te Atua ia Iesu e poro i te parau apî oaoa o te Faatereraa arii. Tera te tiaturiraa hoê roa no te huitaata. Ua poro Iesu i te Faatereraa arii e tae noa ’tu i to ’na poheraa. (Luka 4:43; 8:1; 23:42, 43) Ua parau oia e e poro ta ’na mau pǐpǐ i te reira. Ia paraparau te hoê taata no nia i te Faatereraa arii a te Atua, eaha ïa ta ’na haapaoraa?—A taio i te Mataio 24:14.

  • E ere te mau pǐpǐ a Iesu no teie nei ao ino. E nehenehe oe e ite o vai ratou no te mea aita ratou e faaô nei i roto i te poritita aore ra te mau aroraa totiare. (Ioane 17:16; 18:36) Aita atoa ratou e rave nei i te mau peu ino a teie nei ao.—A taio i te Iakobo 4:4.

  • Mea here roa na te mau Kerisetiano mau te tahi i te tahi. Ua haapii ratou i roto i te Bibilia ia faatura i to te mau opu atoa. E pinepine te mau haapaoraa hape i te turu roa i te tama‘i a te mau nunaa. Area te feia haamori mau, aita ïa. (Mika 4:1-3) Te faaohipa noa nei te mau Kerisetiano mau i to ratou taime e ta ratou mau faufaa no te tauturu e te faaitoito ia vetahi ê.—A taio i te Ioane 13:34, 35; Ioane 1, 4:20.

4. Eaha ’tura te haapaoraa mau?

I to oe mana‘o, teihea haapaoraa e niu ra i ta ’na mau haapiiraa atoa i nia i te Parau a te Atua, e faatura ra i te i‘oa o te Atua e e poro haere ra i te Faatereraa arii a te Atua ei tiaturiraa hoê roa no te huitaata? O vai ma te faaite ra i te here, a ore atu ai e apiti i te tama‘i?—A taio i te Ioane 1, 3:10-12.

 

No te ite atu â

EAHA TA TE BIBILIA E HAAPII MAU RA?

Te haamoriraa ta te Atua e farii

Hi‘opoa e ono tuhaa o te faaite o vai ma te faaohipa ra i te haapaoraa mau.