Nehemia 3:1-32

  • Tom u hiden maan girgar la (1-32)

3  Tsô Eliashibi,+ zegepristi, kua anmgbianev nav upristi, ve mough sha ve maa Hundagar u Iyôngo.+ Ve tsegha u+ ve zer ihinda sha mi; ve tsegha u zan zan za ar hen Iyou i Taven i Mea,+ shi va zan zan va ar hen Iyou i Taven i Hananel.+ 2  U dondon ken a ve yô, ior i Yeriko+ lu maan; u cirin ken mban di, Sakur wan u Imri lu maan. 3  Ônov mba Hasenaa ve maa Hundagar u Ishu;+ ve wa ikpande-ihinda+ maa ve zer ihinda sha mi, ve wa uishindan man uiwever mba u. 4  U dondon ken a ve yô, Meremoti+ wan u Uriya wan u Hakoshi lu sôron kpekpe la, u dondon yô, Meshulam+ wan u Berekia wan u Meshesabel lu sôron kpekpe la. U dondon yô, Sadoki wan u Baana lu sôron kpekpe la. 5  U dondon yô, Mbatekoa+ lu sôron kpekpe la, kpa ashagbaaior a ve lumun u hiden a iyol ijime eren* tom u mbavesen vev na ve la ga. 6  Yoyada wan u Pasea man Meshulam wan u Besodeia yange ve sôr Hunda u Gar u Tse la;+ ve wa ikpande-ihinda maa ve zer ihinda sha mi, ve wa uishindan man uiwever mba u. 7  U dondon ken a ve yô, Melatia Orgibeon+ kua Yadon Ormeronoti, ve lu sôron kpekpe la, mban lu ior i Gibeon man i Misepa+ mba ve lu sha ikyev i* gomna u haregh u Yande Ifi La* yô.+ 8  U dondon ken a ve yô, Ushiel wan u Harhaia, môm ken mba varen akaa sha zanaria, lu sôron kpekpe la, u dondon ken a na yô, Hanania, môm ken mbanungwan mkurem,* lu sôron kpekpe la; shi ve cir awen* hen inya ken Yerusalem zan zan za ar hen Girgar u Gbanger la.+ 9  U dondon ken a ve yô, Refaia wan u Hur, ititor i vegher ugen hen haregh u Yerusalem, lu sôron kpekpe la. 10  U dondon yô Yedaia wan u Harumav, lu sôron kpekpe la hen ishigh ki ya na. U dondon ken a na yô, Hatushi wan u Hashabeneia, lu sôron kpekpe la. 11  Malkiya wan u Harim+ kua Hashubi wan u Pahati-moabi,+ yange ve sôr vegher ugen kua Iyou i Taven i Atseegh+ la kpaa. 12  U dondon ken a ve yô, Shalum wan u Haloheshi, ititor i vegher ugen hen haregh u Yerusalem, lu sôron kpekpe la vea ônov nav mba kasev. 13  Hanun man ior mba ken Sanoa+ yange ve sôr Hundagar u Pev;+ ve maa u, maa ve zer ihinda sha mi, shi ve wa uishindan man uiwever mba u, ve sôr kpekpe la aseva 1,000* zan zan ve nyôr hen Hundagar u Igyungu-mtuhwe.+ 14  Malkiya wan u Rekabi, ititor i haregh u Bete-hakerem,+ sôr Hundagar u Igyungu-mtuhwe; a maa u, a zer ihinda sha mi shi a wa uishindan man uiwever mba u. 15  Shalun wan u Kolhose, ititor i hen haregh u Misepa,+ yange sôr Hundagar u Imbormnger la;+ a maa u shi a kuva haav mbu u maa a zer ihinda sha mi shi a wa uishindan man uiwever mba u, shi yange sôr kpekpe u a lu hen Ityungu+ i Akpa* la va ar hen Sule u Ikyon u Tor,+ shi kar va zan zan va nyôr hen Tsembe+ u moughon sha Gar u Davidi+ hungwan la. 16  U dondon ken a na yô, Nehemia wan u Asebuki, ititor i vegher ugen hen haregh u Bete-sur,+ lu sôron kpekpe la, hii hen ishigh ki Ajiir a Iin Ior a Davidi+ la zan zan va nyôr hen ityungu+ i i maa la, shi kar va nyôr hen Iyou i Mbaageev. 17  Mbalevi di tôô tom u sôron kpekpe la hen ape va kighir la, ve yô: Lu Rehum wan u Bani; u dondon yô, lu Hashabia, ititor i vegher ugen hen haregh u Keila,+ lu eren tom u sôron kpekpe la sha ci u haregh na. 18  U dondon yô, anmgbianev vev lu sôron kpekpe la: Lu Bavai wan u Henadadi, ititor i vegher ugen hen haregh u Keila. 19  U dondon ken a na yô, Eser wan u Yeshua,+ ititor i Misepa, lu sôron vegher u kpekpe la ugen hen ishigh ki gbenda u kôndon zan sha Iyou i Koson Ikyav Mbi Utyaav, hen Ityôgh ki Suen Kpekpe la.*+ 20  U cirin ken a na yô, Baruki wan u Sabai+ lu sôron vegher ugen la sha gbashima, hii hen Ityôgh ki Suen Kpekpe la zan zan va ar hen hunda u iyou i zegepristi Eliashibi.+ 21  U dondon ken a na yô, Meremoti+ wan u Uriya, wan u Hakoshi, lu sôron vegher u kpekpe la ugen, hii hen hunda u iyou i Eliashibi zan zan va ar hen ikighir i iyou i Eliashibi shon. 22  U dondon ken a na yô lu upristi, ior mba ken haregh u Yordan,*+ ve lu sôron kpekpe la. 23  U dondon ken a ve yô, Benyamin man Hashubi lu sôron kpekpe la hen ishigh ki ya ve. U dondon ken a ve yô, Asaria wan u Maaseia, wan u Ananiya, lu sôron kpekpe la ikyua a ya na. 24  U dondon ken a na yô, Binui wan u Henadadi lu sôron vegher u kpekpe la ugen, hii hen iyou i Asaria va zan zan va ar hen Ityôgh ki Suen Kpekpe la,+ shi kar va nyôr sha zongo. 25  U dondon ken a na yô, Palal wan u Usai lu sôron kpekpe la hen ishigh ki Ityôgh ki Suen Kpekpe la, kua iyou i taven i i zua vea Iyou i Tor,+ i i lu sha, i lu Tembe u Mbakuran la.+ U dondon ken a na yô, lu Pedaia wan u Paroshi.+ 26  Mbasôrontempel*+ mba ve lu ken Ofel+ la di er tom u sôron kpekpe la zan zan va ar hen ishigh ki Hundagar u Mnger+ u u lu sha ityoughkitaregh la, man hen iyou i taven i i nusu ken won la. 27  U dondon ken a ve yô, Mbatekoa+ lu sôron vegher u kpekpe la ugen, hii hen ishigh ki zegeyou u taven u a nusu ken won la zan zan va ar hen kpekpe u Ofel. 28  Upristi lu sôron kpekpe la sha hemen u Hundagar u Anyinya la,+ hanmô ve hen ishigh ki ya u nan. 29  U dondon ken a ve yô, Sadoki+ wan u Imer lu sôron kpekpe la hen ishigh ki ya na. Man u dondon ken a na yô, Shemaia wan u Shekania, or u kuran Hundagar u sha Ityoughkitaregh la,+ lu sôron kpekpe la. 30  U dondon ken a na yô, Hanania wan u Shelemia kua Hanun wan u Salav u sha ataratar la di ve lu sôron vegher u kpekpe la ugen. U dondon yô, Meshulam+ wan u Berekia, lu sôron kpekpe la hen ishigh ki zegeyou na. 31  U dondon ken a na yô, Malkiya u lu ken mzough u mba varen iwa i sha zanaria la, lu sôron kpekpe la zan zan va nyôr hen iyou i mbasôrontempel*+ kua mbakasuav, hen ishigh ki Hundagar u Yengen Ior Iyol la, shi va zan zan va ar hen ayou a a lu sha uha sha zongo la. 32  Hen atô u ayou a sha uha a a lu hen zongo man Hundagar u Iyôngo+ la di, mba varen iwa i sha zanaria man mbakasuav lu sôron kpekpe la her.

Ngeren mba shin kpe

^ Zwa Heberu, “nyôron mon ken.”
^ Zwa Heberu, “mba ve lu ior i ikyônough ki torough ki.”
^ Shin “Uferati Vegher La.”
^ Shin “mba eren usenti.”
^ Shin “abamberawen.”
^ Kuma umita 445 (angahar 1,460). Nenge Ngeren u Seer u B14 la.
^ Shin “Ityungu i Shela.”
^ A̱ shi nan kpa yange i maa ityôgh kin u suen kpekpe sha er una seer taver yô.
^ Shin a fatyô u kaan ér, “haregh u lu ikyua la.”
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.

Copyrights for this publication