Nehemia 13:1-31
13 Sha iyange la, i ôr takeda u Mose ior cii ungwa,+ nahan i zua a ijiir igen ker i nger ér Oramon shin Ormoabi môm+ nana de nyer hen ape ior mba Aôndo u mimi ve kohol ga,*+
2 sha ci u yange ve va kegh Mbaiserael gbenda a kwaghyan man mngerem ga, kpa ve za kimbi Balam inyaregh ér a va wa Mbaiserael ifyan.+ Nahan kpa, Aôndo wase gema ifyan la hingir iveren.+
3 Yange mba ongo kwagh u Tindi ôr la je maa, ve pav Mbaiserael kposo a mba ve due ken icombor i ken akuraior agen* la.+
4 Cii man shighe ne yô, pristi u nengen sha ayou a koson akaa* a ken iyou i* Aôndo wase la+ lu Eliashibi+ won u Tobia.+
5 Eliashibi gema zegeyou u koson akaa ker* i môm na Tobia, ape ngise i veren nagh ku sha samuyia man ferankinsensi man ikyav mbigen man môm-ken-pue u ishamakaa man wain u he man mkurem+ ma i vaan a mi sha ci u Mbalevi+ man mbawanatsam man mbakuran ihindagar la, kua iyua i i eren sha ci u upristi kpaa la.+
6 Hen shighe ne cii m lu ken Yerusalem ga, sha ci u m hide m yem hen tor ken inyom i sha 32+ i Artashaseta+ tor u Babilon la; shighe karen yô m sôn tor ian mer me za zende.
7 Maa m va ken Yerusalem, m va nyer yô m nenge kwagh u vihin kpishi u Eliashibi+ er sha ci u Tobia la,+ a gema iyou i koson akaa ker i i lu hen tembe u iyou i Aôndo u mimi la a na Tobia.
8 Kwagh ne yange vihim je gande, nahan m kura ikyav mbi Tobia ken iyou i koson ikyav ker* la m haa ken won.
9 M been yô m kaa mer, i hide i sôr ayou a koson ikyav ker la; shi m hide m ver ikyav mbi ken iyou i Aôndo u mimi ker her,+ kua nagh ku sha samuyia man ferankinsensi.+
10 Shi m va nenge yô, ior kera lu nan Mbalevi+ kwar ve ga,+ nahan Mbalevi man mbawanatsam mba ve eren tom ken tempel la de u. Hanma or yem hen sule u nan.+
11 Nahan m zôhô a imuetor,+ m kaa a ve mer: “Er nan i gbe kenden iyou i Aôndo u mimi dang nahana?”+ Maa m hide m kohol ve imôngo, hanmô yô m hide m ver nan sha tom u nan.
12 Nahan Yuda cii va a môm-ken-pue+ u ishamakaa man wain u he man mkurem, ken iyou i koson akaa ker la.+
13 Maa m ver pristi Shelemia man Sadoki orngeren la, kua Pedaia u ken Mbalevi la, mer ve nengen sha ayou a koson akaa ker la, Hanan wan u Sakur wan u Matania lu or u wasen ve, sha ci u i nenge ior mban ér mba a mimi iyol. Lu tom ve u karen anmgbianev vev kwar.
14 Aôndo wam, umbur mo+ sha ci u kwagh ne, akaa a dedoo a m er sha u tesen mer iyou i we Aôndo wam doom ishima kua ityom i ker* la cii i de hungur we ga.+
15 Sha ayange la, m nenge ior mbagen ken Yuda lu shoghor wain sha Iyange i Memen,+ ve lu nyôron a aile a uiyia va kangen sha ujaki, shi ve lu nyôron a wain man atam a wain man atam a tur man hanma inja i uikya cii ken Yerusalem sha Iyange i Memen.+ Nahan m ta ve icin mer ve de teen akaa sha iyange la ga.*
16 Shi Mbatiru mba ve lu ken gar la kpaa ve lu van a ishu man hanma inja i uikya cii va teen ior mba ken Yuda mba ve lu ken Yerusalem la, sha Iyange i Memen.+
17 Nahan m zôhô a ashagbaaior a Yuda m kaa a ve mer: “Ka nyi iferkwagh ne lu eren nee? Ne mba hôngor a Iyange i Memen ner nyi?
18 Ka kwagh u yange uter enev er ve Aôndo va a atsan ne cii sha a vese man sha gar ne la gaa? Hegen ne mba hôngor a Iyange i Memen ne,+ nahan nan ér ishima i seer vihin Aôndo a Iserael.”
19 Tsô m na zwa mer, ime ia va hiin u wan yô i wuhe ihindagar i Yerusalem cii ve Iyange i Memen ia hii ye, shi m kaa a ve mer ve de bughun ihinda la ga zan zan Iyange i Memen i kar been. Shi m ver mbatomov av sha ihindagar sha er or môm nana nyôr a ikyav sha Iyange i Memen ga yô.
20 Nahan mbakasuav kua mba teen akaa kposo kposo tsa ken won u gar u Yerusalem kwa môm shin kwa har nahan.
21 Tsô m zôhô a ve m kaa mer: “Er nan ve ne lu tsan hen kpe u girgar? Aluer ne kimbir eren kwagh ne yô, me de ne ga.” Hii shighe la je ve kera va sha Iyange i Memen ga.
22 Shi m kaa a Mbalevi mer ve wanger ayol a ve hanma shighe, shi ve vaan ve va kuran ihindagar sha er a hôngor a Iyange i Memen ga yô.+ Sha ingin kpaa, umbur mo Aôndo wam, shi zungwem mhôônom sha ci u dooshima* wou u ngeen u a been mayange ga la.+
23 Sha ayange la, m nenge Mbayuda mbagen er kasev*+ ken Ashedodi+ man Mbaamon+ man Mbamoabi.
24 Ônov vev mbagen lu lamen zwa Ashedodi, mbagen di lu lamen ijô i akuraior agen, kpa mô ve môm fa u lamen zwa u Mbayuda ga.
25 Nahan m zôhô a ve, m kaa mer vea er beer ifyan a kôr ve. M gbidye nomso mbagen ken a ve+ shi m gbera ve ice, m na ve bum Aôndo, m kaa mer: “De ne nen ve ônov enev mba kasev ner ve vôso ga, shi ne kpa de vôson nen ônov vev mba kasev sha ci u ônov enev shin sha ci wen ayol a en ga.+
26 Lu sha ci u akaa ne man Solomon Tor u Iserael er isholibo gaa? Ken akuraior a a lu kpishi ne cii ma tor ugen lu er un nahan ga;+ shi yange doo Aôndo na ishima+ je yô, Aôndo ver un tor sha Iserael jimin cii. Kpa kasev mba ken atôatyev na yô un je kpa er isholibo.+
27 Ka kwagh u kpilighyol u ungwan ér ne er zegeisholibo ne sha u hemban Aôndo wase ato, za vôson kasev ken atôatyev gaa?”+
28 Môm ken ônov mba Yoyada+ wan u Eliashibi,+ zegepristi la za er wan u Sanbalati+ Orhoron la. Nahan m zenda un hen a mo kera.
29 De hungur a kwagh u ve er la ga Aôndo wam, sha ci u ve hôngor a nongo u upristi man ikyuryan i upristi+ kua i Mbalevi la.+
30 M wanger hôngor u akuraior la sha ayol a ve kera, shi m na upristi man Mbalevi ityom, hanma or lu a tom u nan,+
31 shi m ker gbenda sha er a vaan a ikyon+ sha ashighe ashighe kua atam a ikyon a a hii vian la kpaa yô.
Aôndo wam, umbur mo, er a mo doo doo.*+
Ngeren mba shin kpe
^ Shin “hen tiônongo u Aôndo u mimi ga.”
^ Shin “icombor i i nungwa.”
^ Shin “ayou a yan kwagh.”
^ Shin “tempel u.”
^ Shin “i yan kwagh ker.”
^ Shin “iyou i yan kwagh ker.”
^ Shin “kua mba ve nengen sha i.”
^ Shin a fatyô u kaan ér, “Nahan m ta ve icin sha iyange la mer ve de teen akaa ga.”
^ Shin “erdoo.”
^ Shin “ve er kasev ve wa ken ayou, lu kasev mba.”
^ Shin “umbur mo sha kwagh u dedoo.”
