Nehemia 11:1-36
-
Ior hide tema ken Yerusalem (1-36)
11 Tsô mbavesen mba ior mbara tema ken Yerusalem;+ kpa ior mbagenev cii yô i er ishor+ nahan ken hanma iorov pue yô i tsua or môm ér nana va lu ken Yerusalem, icighangar la, iorov mba utaankarunyiin mba ve mase shin la di ve tema ken agar agen.
2 Heela tseegh ga ior mbara ver ior mbagenev mba ve tsua a ishima ve u za teman ken Yerusalem la cii doo doo.
3 Mban ka mbavesen mba sha ikpentar la* mba ve tema ken Yerusalem je ne. (Mbaiserael mbagenev cii, man upristi man Mbalevi man mbasôrontempel*+ man ônov mba mbatomov mba Solomon kpaa,+ ve tema ken agar a Yuda agen, hanma or lu hen kwar u nan hen gar u nan.+
4 Shi ior mba ken Yuda man mba Benyamin mbagen kpaa tema ken Yerusalem.) Ken ior mba ken Yuda yô, lu Ataia wan u Ushia wan u Sekaria wan u Amaria wan u Shefatia wan u Mahalalel u ken ônov mba Pereshi,+
5 man Maaseia wan u Baruki wan u Kolhose wan u Hasaia wan u Adia wan u Yoyaribi wan u Sekaria wan u Orshela la.
6 Ônov mba Pereshi mba ve tema ken Yerusalem la cii lu nomso mba ageev 468.
7 Ior mba ken Benyamin yô, lu Sallu+ wan u Meshulam wan u Yoedi wan u Pedaia wan u Kolaia wan u Maaseia wan u Itiel wan u Yeshaia,
8 man u dondon ken a na yô, lu Gabai man Salai, ve lu iorov 928;
9 Yoel wan u Shikeri lu orvesen ve, man Yuda wan u Hasenua gema cir ken or u nengen sha gar la.
10 Ken upristi yô, lu Yedaia wan u Yoyaribi, man Yakin,+
11 man Seraia wan u Hilkia wan u Meshulam wan u Sadoki wan u Merayoti wan u Ahitubi+ orhemen u nengen sha iyou i* Aôndo u mimi,
12 man anmgbianev vev mba ve eren tom ken iyou shon la, ve lu 822; man Adia wan u Yeroham wan u Pelalia wan u Amshi wan u Sekaria wan u Pashur+ wan u Malkiya,
13 man anmgbianev nav mba ve lu mbayaav la, ve lu 242; man Amashai wan u Asarel wan u Ahasai wan u Meshilemoti wan u Imer
14 man anmgbianev vev, nomso mba ageev mba ve lu ior mba taver ishima la, ve lu 128; orhemen ve lu Sabediel u due hen tsombor u zan iti la.
15 Man Mbalevi yô, lu Shemaia+ wan u Hashubi wan u Aserikam wan u Hashabia wan u Buni,
16 man Shabetai+ man Yosabadi,+ mbahemenev mba Mbalevi mba ve nengen sha ityom i i eren ken won sha ci u iyou i Aôndo u mimi la;
17 man Matania+ wan u Mika wan u Sabedi wan u Asav,+ orhemen u mbawanatsam u yange a hemen atsam a wan shighe u i lu eren msen la;+ man Bakebukia, anmgbian na u cir ken u vesen la, man Abeda wan u Shamua wan u Galal wan u Yedutun.+
18 Mbalevi mba ve lu ken icighangar la cii kohol lu 284.
19 Man mbakuran ihindagar yô, lu Akubi man Talmon+ man anmgbianev vev mba ve kuran ihindagar la, ve cii ve lu 172.
20 Mbaiserael mbagenev cii kua upristi man Mbalevi ve lu ken agar a Yuda agen la cii, hanma or hen dyako u nan.
21 Mbasôrontempel*+ ve tema ken Ofel,+ Shiha man Gisepa ve lu nengen sha mbasôrontempel.*
22 Orhemen u Mbalevi mba ken Yerusalem yô, lu Ushi wan u Bani wan u Hashabia wan u Matania+ wan u Mika u ken ônov mba Asav mba ve waan atsam la; yange lu ityough sha tom u i eren ken iyou i Aôndo u mimi la.
23 Yange tor na zwa sha kwagh u mbawanatsam ér,+ i naan ve akaa a kwagh gbaan ve a mi la ayange ayange, nahan i eren kwagh ne hanma shighe.
24 Petahia wan u Meshesabel u ken ônov mba Sera wan u Yuda la lu or u wan tor kwagh* sha hanma kwagh u a gbe a biishi a kwagh u ior cii.
25 Ka ajiir a ior tema man agar a a kase a je ne. Ior mbagen ken ipyaven u Yuda tema hen Kiriati-arba+ man agar a a kase un la, kua hen Dibon man agar a a kase un la man hen Yekabeseel+ kua ajiir a teman a na,
26 kua ken Yeshua man ken Molada+ man ken Bete-peleti,+
27 man hen Hasar-shual+ man ken Bersheba kua agar a a kase un la,
28 man ken Shikelagi+ man ken Mekona kua agar a a kase un la,
29 man ken En-rimon+ man ken Sora+ man ken Yarmuti,
30 man ken Sanoa+ man ken Adulam a agar a a kase ve la, man ken Lakishi+ kua agar a na, man ken Aseka+ kua agar a a kase un la. Ve tema* hii hen Bersheba zan zan za ar hen Pev u Hinom.+
31 Shi ior i Benyamin gema tema hen Geba+ man hen Mikemashi man hen Aiya man hen Betel+ kua agar a a kase un la,
32 man hen Anatoti+ man hen Nobu+ man hen Ananiya,
33 man hen Hasor man hen Rama+ man hen Gitaim,
34 man hen Hadidi man hen Seboim man hen Nebalati,
35 man hen Lodi kua hen Ono,+ shin pev u mbavareniwa la.
36 I yem a iniongo i Mbalevi igen i i lu ken Yuda la i za tema ken Benyamin.
Ngeren mba shin kpe
^ Shin “uipyaventar mbara.”
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.
^ Shin “tempel u.”
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.
^ Shin “Mbanetinim.” Zwa Heberu, “mba i ne ve la,” ka mba i ne ve ér ve er Aôndo tom je la.
^ Zwa Heberu, “lu ken uwegh ku tor.”
^ Shin “Ve haa afo.”
