Mika 7:1-20
7 Kwagh tserem ve! M ngu er orU nan kohol atamaikyon famShi nan yar twar shighe u i zer atam a wain i bee kera,Kpa nan zough a sumegh ku atamaikyon a wain, a nana ya ga la nahan,Atam a tur a a vie tsuaa, a a sarem la kpa, m zua a mi ga.
2 Or u mimi kera ngu shin tar ga;Or u eren kwagh u vough kera ngu ken ior ga.+
Ve cii ve yer mba keghen u haan awambe inya.+
Hanmô ve hôn anmgbian u nan sha kper u kpelan a kpela.
3 Ve fa u eren iferkwagh tsema tsema;+Wan u tor ngu kaan ér i na un uiyua,Orjir ngu kaan ér i na un injar,+Or u zan iti ngu ôron akaa a a sar un yô,+Nahan ve cii ve zua zwa.
4 Or ve u hemban doon cii la nan ngu er mbaasaa nahan,Or ve u hemban eren kwagh u vough la nan hemba vihin a ikpela i mbaasaa cii.
Iyange i mbakuran ou man i ijirôron you la ia va.+
Nahan a cier ve iyol.+
5 De naan huror wou jighjigh ga,Shin suur sha ijende you i kôôsôô kpaa ga.+
Wa ikyo sha kwagh u u ôron a or u nan yav u sha ikyum la.
6 Gadia wan u nomso kôr ter na ihyom,Wan u kwase di mough num a ngô na,+Shi kwase ngu num a ngô u nom na;+Mbahyomov mba or ka ve lu ior mba hen ya u nan.+
7 Kpa mo yô, me za hemen u veren ashe sha Yehova.+
Me wa ishima me keghen Aôndo u a yiman mo la.+
Aôndo wam una ungwam.+
8 We orhyom wam, de ember sha kwagh wam ga.
Er m gbe nahan kpa, me kighir me mough sha;Aluer m ngu ken ime kpa, Yehova una lu iwanger yam.
9 Me wa ishima a iyugh i Yehova—Sha ci u m er un isholibo+—
Zan zan una ta ikyaa a mo shi una kure ijir yam sha mimi.
Una due a mo ken iwanger;Shi me nenge a perapera na.
10 Orhyom wam kpa una nenge,Shi kunya ua kôr un u a kaa a mo ér:
“Yehova Aôndo wou ngu hana?”+ la.
Ashe a am aa kenger un.
Nahan a ndyar un angahar er angbiôr a sha ugodobi nahan.
11 A lu iyange i maan ukpekpe ou sha awen;Sha iyange la, a seer igbanger* i tar wou.
12 Sha iyange la, vea va hen a we,Vea mough ken Ashiria man ken agar a Igipiti,Man hen Igipiti zan zan nyôr hen Ifi;*Shi vea mough hen zegemnger ngun, yem zegemnger ngura, man hen uwo u ngun, yem hen uwo u ngura.+
13 Nahan tar la ua hingir ice sha ci u ior mba ve tem ker la,Sha ci u kwagh u ve er la.*
14 Kura ior ou mba ve lu ikyumuile i dyako wou la sha gbough ou,+Un u yange lu tswen ken ikyô—ken atô u sule u ikyon la.
Ve ya Bashan man Gileadi+ er sha ayange a tsuaa la nahan.
15 “Er lu sha ayange a u due ken tar u Igipiti la nahan,Me tese un akaa a kpilighyol.+
16 Er akuraior a lu a tahav kpishi nahan kpa, vea nenge shi vea hee.+
Vea cir uwegh vegh sha zwa;Ato a ve aa kondo.
17 Vea ya inya er iyô nahan;+Vea due shin ajiir a ve a taver la a ikyarikyase, er akaa a kpelan iyav inya a shin tar nahan.
Vea va sha ishigh ki Yehova Aôndo wase a mciem iyol,Nahan vea cia u.”+
18 Ka an nan lu Aôndo er we nahana?
Gadia we u den isholibo shi u den aferakaa+ a mba ve shi ken dyako wou ve eren la.+
Una vihi ishima gbem sha won ga,Sha ci u ka i doo un u tesen dooshima tsung.+
19 Una hide a zungwe se mhôônom;+ una hemba asorabo* a ase.
U haa asorabo a ve cii shin atô u zegemnger.+
20 U er kwagh a Yakob sha mimi,U tese er Aberaham a doo u ishima kpishi yô,Er u bum a uter asev sha ayange a tsuaa la nahan.+
